“किनोळा बु. गावावर शोककळा; मानवत येथे अखेरचा श्वास”
परभणी/प्रतिनिधी :- रमेश मुलगीर
किनोळा बु. येथील मूळ रहिवासी तथा सध्या मानवत येथे वास्तव्यास असलेले ज्येष्ठ शिक्षक रामकृष्ण मारोतराव कदम यांचे दि.२९/०५/२०२६ रोजी सकाळी ७.३० वाजता अल्पशा आजाराने दुःखद निधन झाले. निधनसमयी त्यांचे वय ८६ वर्षे होते. त्यांच्या निधनाने किनोळा बु. तसेच मानवत परिसरात हळहळ व्यक्त होत असून शैक्षणिक व सामाजिक क्षेत्रातील एक अनुभवी व्यक्तिमत्त्व काळाच्या पडद्याआड गेले आहे.
रामकृष्ण कदम यांनी शिक्षक म्हणून अनेक वर्षे प्रामाणिकपणे सेवा बजावत विद्यार्थ्यांच्या जडणघडणीत मोलाचे योगदान दिले. त्यांच्या साध्या, शांत व मनमिळावू स्वभावामुळे समाजात त्यांना विशेष मान होता. त्यांच्या निधनाची वार्ता समजताच नातेवाईक, मित्रपरिवार, माजी विद्यार्थी तसेच विविध क्षेत्रातील मान्यवरांनी शोक व्यक्त केला.
ते मुकुंद रामकृष्ण कदम यांचे वडील होते, तसेच संतोषराव बोबडे यांचे सासरे होते. त्यांच्या पश्चात पत्नी, दोन मुली, एक मुलगा, सुना, नातवंडे असा मोठा परिवार आहे.
त्यांच्या पार्थिवावर मानवत येथे शोकाकुल वातावरणात अंत्यसंस्कार करण्यात आले.
