यशदा येथे पथारी व्यवसायिकांच्या सक्षमीकरणासाठी एकदिवसीय कार्यशाळेचे यशस्वी आयोजन
पथारी व्यवसायिकांच्या सर्वांगीण विकास, सक्षमीकरण आणी भविष्यातील धोरणात्मक नियोजनाच्या उद्देशाने महाराष्ट्र हॉकर फेडरेशन, पर्यावरण शिक्षण केंद्र आणि प्रयास हेल्थ ग्रुप यांच्या संयुक्त विद्यमाने यशदा येथे सर्व
पथ विक्रेता सदस्य (TVC) तसेच पथारी व्यवसायिकांसाठी एकदिवसीय कार्यशाळेचे यशस्वी आयोजन करण्यात आले.सदर कार्यशाळेमध्ये पथारी व्यवसायिकांच्या हक्क, कर्तव्ये, आरोग्य, शहरी नियोजन, व्यवसाय व्यवस्थापन, सामाजिक सुरक्षा, तसेच भविष्यातील विकासात्मक संधी अशा विविध महत्त्वपूर्ण विषयांवर सखोल अभ्यासपूर्ण चर्चा करण्यात आली. सहभागी सदस्यांनी आपले अनुभव, सूचना आणि अपेक्षा मांडत विधायक संवाद साधला…
कार्यशाळेचे नियोजन, मार्गदर्शन आणि विषयांची परिणामकारक मांडणी यामध्ये संस्थेच्या विनीता ताई, नितीन पवार सर, विजया जोरी, डॉ. संस्कृती मेमन, डॉ. अविनाश मधाळे, अवधूत अभ्यंकर, कुणाल जैस्वाल आणि मंगेश निकम यांनी महत्त्वपूर्ण योगदान देऊन कार्यशाळेला उत्कृष्ट स्वरूप प्रदान केले.
TVC सदस्य श्री. गजानन पवार, श्री.मंदार धुमाळ, श्री. राकेश गायकवाड, श्री.संजय चंदेरे ,श्री दत्तात्रेय सोंडेकर,तसेच पिंपरी चिंचवड, राजगुरुनगर, आणी ईतर महानगर पालिका, नगर पालिका, नगर परिषद येथील TVC सदस्य तसेच व्यवसायिक यावेळी उपस्थित होते.
कार्यशाळेतील प्रमुख आकर्षण म्हणजे महाराष्ट्र हॉकर फेडरेशन यांनी तयार केलेल्या विविध योजना, उपक्रम आणि धोरणात्मक प्रस्तावांवर झालेली सविस्तर चर्चा. या योजनांवर संस्था प्रतिनिधी, TVC सदस्य आणि पथारी व्यवसायिक यांच्यात सकारात्मक व विधायक विचारविनिमय झाला. चर्चेदरम्यान प्राप्त झालेल्या सूचना, अभिप्राय आणि स्थानिक गरजांचा विचार करून संबंधित योजनांमध्ये आवश्यक ते बदल व सुधारणा करण्याबाबत एकमत झाले.
येत्या काळात पथारी व्यवसायिकांच्या विकासासाठी, कौशल्यवृद्धीसाठी आणि संघटनात्मक बळकटीकरणासाठी अशाच स्वरूपातील अनेक अभ्यासपूर्ण सत्रे, कार्यशाळा आणि प्रशिक्षण कार्यक्रम आयोजित करण्यात येणार असल्याची माहिती यावेळी देण्यात आली.
तसेच संस्था आणि TVC सदस्य यांच्यामध्ये प्रभावी समन्वय साधून सर्व घटकांना एका व्यासपीठावर आणण्यामध्ये महत्त्वाची भूमिका बजावल्याबद्दल नीलम अय्यर ताई आणि कमल जगधने ताई यांचे विशेष आभार व्यक्त करण्यात आले.TVC सदस्य सागर दहीभाते यांनी आभार प्रदर्शन करून कार्यक्रमाची सांगता झाली.
सदर कार्यशाळा पथारी व्यवसायिकांच्या प्रश्नांवर अभ्यासपूर्ण आणि दीर्घकालीन उपाययोजना विकसित करण्याच्या दिशेने एक महत्त्वपूर्ण पाऊल ठरली असून, भविष्यात अधिक सक्षम, संघटित आणि शाश्वत पथारी व्यवसाय व्यवस्थेच्या निर्मितीसाठी ही कार्यशाळा निश्चितच मार्गदर्शक ठरेल.
