औंढा नागनाथ प्रतिनिधी : औंढा नागनाथ येथील हरेश्वर महादेव परिसराच्या विकासासाठी सामाजिक बांधिलकी जपत गणेशभाऊ घुगे यांनी स्वखर्चातून परिसर भरण्याच्या कामाला सुरुवात केली आहे. आजपासून या कामाचा शुभारंभ करण्यात आला असून परिसरातील नागरिकांकडून या उपक्रमाचे स्वागत करण्यात येत आहे.
हरेश्वर महादेव परिसरातील विविध अडचणी लक्षात घेऊन हे काम हाती घेण्यात आले आहे. कोणत्याही शासकीय मदतीची अपेक्षा न ठेवता गणेशभाऊ घुगे यांनी स्वतःच्या खर्चातून हा उपक्रम सुरू केल्याने त्यांच्या समाजाभिमुख कार्याचे सर्वत्र कौतुक होत आहे.
“समाजसेवा हीच ईश्वर सेवा” या भावनेतून राबविण्यात येणाऱ्या या कार्यामुळे परिसराच्या विकासाला चालना मिळणार असून भाविक व नागरिकांना याचा लाभ होणार आहे.
गणेशभाऊ घुगे यांच्या या स्तुत्य उपक्रमाबद्दल ग्रामस्थ, भाविक आणि सामाजिक क्षेत्रातील मान्यवरांनी त्यांचे मनःपूर्वक आभार मानत अभिनंदन केले आहे. समाजहितासाठी केलेले हे कार्य इतरांसाठीही प्रेरणादायी ठरत असल्याची भावना यावेळी व्यक्त करण्यात आली.
