जामखेड प्रतिनिधी : अहिल्यानगर जिल्ह्यातील चोंडी येथे लोकमाता राजमाता Ahilyabai Holkar पुण्यश्लोक अहिल्यादेवी होळकर यांच्या ३०१ व्या जयंतीनिमित्त आयोजित भव्य सोहळ्यात मान्यवरांनी उपस्थित राहून त्यांच्या स्मृतींना अभिवादन केले.
यावेळी उपस्थित मान्यवरांनी राजमाता पुण्यश्लोक अहिल्यादेवी होळकर स्मारक तसेच अहिलेश्वर मंदिराचे मनोभावे दर्शन घेतले. अहिल्यादेवींच्या कार्याचा गौरव करत त्यांच्या लोककल्याणकारी, न्यायप्रिय आणि दूरदर्शी नेतृत्वाचा वारसा जपण्याचा संकल्प व्यक्त करण्यात आला.
या प्रसंगी Haribhau Bagde राजस्थानचे राज्यपाल हरिभाऊ बागडे, Gopichand Padalkar आमदार गोपीचंद पडळकर, Kumar Vishwas युगकवी डॉ. कुमार विश्वास यांच्यासह विविध मान्यवर, पदाधिकारी, लोकप्रतिनिधी आणि ग्रामस्थ मोठ्या संख्येने उपस्थित होते.
अहिल्यादेवी होळकर यांच्या जयंतीनिमित्त आयोजित या सोहळ्याला उत्स्फूर्त प्रतिसाद लाभला. उपस्थितांनी त्यांच्या स्मारकास भेट देऊन आदरांजली वाहिली आणि त्यांच्या विचारांचा वारसा पुढील पिढीपर्यंत पोहोचविण्याचा निर्धार व्यक्त केला.
