“अहिल्यादेवींच्या आदर्श विचारांचा जागर; प्रतिमापूजन करून अभिवादन”
परभणी/प्रतिनिधी : रमेश मुलगीर
परभणी तालुक्यातील खळी येथे पुण्यश्लोक अहिल्यादेवी होळकर यांची जयंती मोठ्या उत्साहात व भक्तिमय वातावरणात साजरी करण्यात आली. यावेळी अहिल्यादेवी होळकर यांच्या प्रतिमेचे पूजन करून त्यांच्या महान कार्याला अभिवादन करण्यात आले.लोकमाता अहिल्यादेवी होळकर यांच्या 301 व्या जयंतीनिमित् खळी येथे जन्मोत्सव साजरा करण्यात आला त्यानिमित्त खळी गावचे सरपंच शिवाजीराव पवार अध्यक्षस्थानी उपस्थित होते तसेच उपसरपंच चांगदेव सोन्नर ज्ञानदेव घुलेश्वर पोलीस पाटील कुंडलिक सुरवसे संतोष सोन्नर चंद्रकांत सोन्नार र्‍यंकटी पिसाळ लक्ष्मण सोन्नर वैभव स्वप्निल दतराव मुलगीर युवराज सोन्नर बाळू खटिंग बाळू मुलगी विनायक सोन्नर डोंगरे भंडे व समस्त गावकरी मंडळी
कार्यक्रमास गावातील युवक, ज्येष्ठ नागरिक, प्रतिष्ठित व्यक्ती तसेच विविध सामाजिक क्षेत्रातील मान्यवर मोठ्या संख्येने उपस्थित होते.
उपस्थितांनी अहिल्यादेवी होळकर यांच्या जीवनकार्याचा गौरव करत त्यांच्या आदर्श विचारांचा जागर केला. समाजहित, न्यायप्रियता, लोककल्याणकारी कारभार आणि सर्वसमावेशक विकास यासाठी त्यांनी दिलेल्या योगदानाचा यावेळी विशेष उल्लेख करण्यात आला.
वक्त्यांनी आपल्या मनोगतात पुण्यश्लोक अहिल्यादेवी होळकर यांच्या कार्याचा आढावा घेत त्यांच्या प्रशासन कौशल्याची, धर्मनिरपेक्ष दृष्टीकोनाची आणि जनकल्याणासाठी केलेल्या कार्याची माहिती दिली. त्यांनी समाजातील सर्व घटकांना समान न्याय देत आदर्श राज्यकारभार उभा केला होता, असे मत यावेळी व्यक्त करण्यात आले.
कार्यक्रमादरम्यान उपस्थितांनी अहिल्यादेवींच्या स्मृतीस विनम्र अभिवादन करत त्यांच्या विचारांचे अनुकरण करण्याचा संकल्प व्यक्त केला. सामाजिक बांधिलकी, न्यायप्रियता आणि लोकसेवा हीच खरी समाजप्रगतीची वाट असल्याचे मत उपस्थितांनी व्यक्त केले.
शेवटी उपस्थितांनी “लोककल्याण हाच धर्म” हा संदेश देणाऱ्या पुण्यश्लोक अहिल्यादेवी होळकर यांना जयंतीनिमित्त कोटी-कोटी प्रणाम अर्पण केले. कार्यक्रम उत्साहपूर्ण आणि प्रेरणादायी वातावरणात संपन्न झाला.
