GSN न्यूज चॅनेलच्या 10 व्या वर्धापनदिनानिमित्त गौरव सोहळा उत्साहात संपन्न
दोडामार्ग, सिंधुदुर्ग | दि. 1 जून 2026 :
GSN न्यूज चॅनेलला 10 वर्षे पूर्ण झाल्याच्या निमित्ताने दोडामार्ग-गोवा मार्गावरील क्लोव्ह रेस्टॉरंट येथे विशेष कार्यक्रमाचे आयोजन करण्यात आले होते. यावेळी चॅनेलचे संपादक श्री. प्रमोद गवस तसेच GSN टीमचा मान्यवरांच्या हस्ते सत्कार करून गौरव करण्यात आला.
गेल्या दशकभरात GSN न्यूज चॅनेलने लोकहिताच्या बातम्या, सामाजिक प्रश्न आणि सर्वसामान्यांचा आवाज प्रभावीपणे मांडत पत्रकारिता क्षेत्रात स्वतःची वेगळी ओळख निर्माण केली आहे. या उल्लेखनीय कार्याचा गौरव करण्यासाठी आयोजित कार्यक्रमास विविध क्षेत्रातील मान्यवरांची उपस्थिती लाभली.
यावेळी डिचोली मतदारसंघाचे आमदार मा.श्री. चंद्रकांत शेट्ये, पंचायत समिती सदस्य श्री. गणेशप्रसाद गवस, शिवसेना (ठाकरे गट) उपजिल्हाप्रमुख श्री. बाबुराव धुरी, श्री. सोनू गवस, सौ. आठलेकर, श्री. बाबा टोपले तसेच अन्य मान्यवर, पत्रकार आणि सामाजिक कार्यकर्ते उपस्थित होते.
कार्यक्रमादरम्यान उपस्थित मान्यवरांनी GSN न्यूज चॅनेलच्या पत्रकारितेतील योगदानाचे कौतुक करत चॅनेलच्या पुढील वाटचालीस शुभेच्छा दिल्या. समाजहित जपणारी, निष्पक्ष व लोकाभिमुख पत्रकारिता भविष्यातही अधिक प्रभावीपणे सुरू राहील, असा विश्वास त्यांनी व्यक्त केला.
दहाव्या वर्धापनदिनानिमित्त आयोजित हा गौरव सोहळा उत्साहपूर्ण वातावरणात पार पडला. GSN टीमच्या दशकभराच्या यशस्वी प्रवासाचा आनंद उपस्थितांनी साजरा करत पत्रकारिता क्षेत्रातील त्यांच्या कार्याला सलाम केला.
