सारथी महाराष्ट्राचा न्यूज
माजी मंत्री तथा आमदार संजय भाऊ बनसोडे यांच्या वाढदिवसानिमित्त उदगीर येथील लक्ष्मीबाई प्राथमिक विद्यालयात विद्यार्थ्यांना शालेय साहित्य, वह्या आणि पेन वाटपाचा सामाजिक उपक्रम उत्साहात पार पडला. विद्यार्थ्यांच्या शिक्षणाला प्रोत्साहन देण्याच्या उद्देशाने या उपक्रमाचे आयोजन करण्यात आले होते.
हा कार्यक्रम राष्ट्रवादी काँग्रेसचे कार्यकर्ते विजय भालेराव, उत्तम शिंदे, सलाउद्दीन शेख आणि दयानंद सूर्यवंशी यांच्या पुढाकाराने आयोजित करण्यात आला. वाढदिवसाचे औचित्य साधत सामाजिक बांधिलकी जपत राबविण्यात आलेल्या या उपक्रमाचे सर्व स्तरांतून कौतुक होत आहे.
कार्यक्रमादरम्यान विद्यार्थ्यांना वह्या व पेनचे वाटप करण्यात आले. शैक्षणिक साहित्य मिळाल्याने विद्यार्थ्यांनी आनंद व्यक्त करत आयोजकांचे आभार मानले. यावेळी उपस्थित मान्यवरांनी विद्यार्थ्यांना शिक्षणात सातत्य ठेवून देशाचे सुजाण नागरिक बनण्याचे आवाहन केले.
या कार्यक्रमाला विद्यालयाचे मुख्याध्यापक, शिक्षक, शिक्षकेतर कर्मचारी तसेच राष्ट्रवादी काँग्रेसचे पदाधिकारी व कार्यकर्ते मोठ्या संख्येने उपस्थित होते.
यावेळी उपस्थित मान्यवरांनी, “माजी मंत्री आ. संजय भाऊ बनसोडे यांच्या वाढदिवसानिमित्त सामाजिक बांधिलकी जपणारे उपक्रम राबविण्याची परंपरा समाजासाठी प्रेरणादायी आहे. विद्यार्थ्यांच्या शैक्षणिक प्रगतीसाठी अशा उपक्रमांमुळे सकारात्मक संदेश मिळतो,” अशा भावना व्यक्त केल्या.
वाढदिवसानिमित्त आयोजित करण्यात आलेल्या या शैक्षणिक उपक्रमाचे पालक, शिक्षक आणि शिक्षणप्रेमींनी स्वागत केले असून, कार्यक्रम उत्साहपूर्ण वातावरणात संपन्न झाला.
