सारथी महाराष्ट्राचा प्रतिनिधी : पुणे
जुन्या आणि पुनर्विकासाच्या प्रतीक्षेत असलेल्या सहकारी गृहनिर्माण संस्थांच्या पदाधिकारी व सभासदांना पुनर्विकास प्रक्रियेतील विविध प्रश्नांची उत्तरे मिळावीत या उद्देशाने ‘रिडेव्हलपमेंटच्या दिशेने’ या विशेष मार्गदर्शन कार्यक्रमाचे आयोजन करण्यात आले आहे. हा कार्यक्रम रविवार, दि. १९ जुलै रोजी सकाळी ९ ते ११ या वेळेत पद्मावती परिसरातील अण्णा भाऊ साठे प्रेक्षागृह, पुणे येथे होणार आहे.
गंगोत्री होम्स आणि व्योहर पार्किंग सिस्टीम्स यांच्या संयुक्त विद्यमाने आयोजित या कार्यक्रमात पुनर्विकासाशी संबंधित महत्त्वाच्या विषयांवर सविस्तर मार्गदर्शन केले जाणार आहे. एकमेकांना लागून असलेल्या गृहनिर्माण संस्थांचा संयुक्त पुनर्विकास, मेट्रो प्रकल्पाच्या नियमांचा पुनर्विकासावर होणारा परिणाम, नव्या इमारतीत मिळणारी वाढीव जागा, मंजुरी प्रक्रिया तसेच इतर कायदेशीर आणि तांत्रिक बाबींवर उपस्थितांच्या शंकांचे निरसन केले जाणार आहे.
कार्यक्रमासाठी पूर्वनोंदणी आवश्यक असून इच्छुकांनी सकाळी १० ते सायंकाळी ५ या वेळेत ०२०-६६४६५८९७ या दूरध्वनी क्रमांकावर संपर्क साधावा, असे आयोजकांनी आवाहन केले आहे.
प्रमुख मान्यवर
- सुहास पटवर्धन – अध्यक्ष, पुणे जिल्हा सहकारी गृहनिर्माण महासंघ
- अॅड. व्ही. डी. कर्जतकर – ज्येष्ठ विधिज्ञ
- वास्तुविशारद विकास अचलकर – ए अँड टी कन्सल्टंट्स
- गंगोत्री होम्स व व्योहर पार्किंग सिस्टीम्सचे तज्ज्ञ
याशिवाय, पुणे महापालिकेच्या बांधकाम विभागातील वरिष्ठ अधिकारी पुनर्विकासासाठी आवश्यक परवानग्या, नियम व प्रशासकीय प्रक्रियेबाबत मार्गदर्शन करणार आहेत. त्यामुळे पुनर्विकासाच्या तयारीत असलेल्या गृहनिर्माण संस्थांच्या पदाधिकारी व सभासदांसाठी हा कार्यक्रम उपयुक्त ठरणार आहे.
