मुल | प्रतिनिधी
माऊंट कॉन्व्हेंट अँड ज्युनिअर कॉलेज ऑफ सायन्स, मुल येथे शैक्षणिक वर्ष २०२६–२७ साठी विद्यार्थी परिषद निवडणूक लोकशाही पद्धतीने आणि उत्साहपूर्ण वातावरणात पार पडली. १५ जुलै रोजी मतदान प्रक्रिया पार पडली, तर १८ जुलै रोजी निकाल जाहीर करण्यात आला.
निकाल घोषणेच्या कार्यक्रमाला मुख्याध्यापिका सौ. रीमा कांबळे प्रमुख अतिथी म्हणून उपस्थित होत्या. तसेच उपमुख्याध्यापक अशपाक सय्यद आणि कनिष्ठ महाविद्यालय प्रभारी दुष्यंत गणवीर यांची प्रमुख उपस्थिती लाभली.
निवडणुकीत साई राखडे यांची विद्यार्थी प्रतिनिधी (Head Boy) तर सानिया पंधरे यांची विद्यार्थीनी प्रतिनिधी (Head Girl) म्हणून निवड झाली.
याशिवाय विद्यार्थी मंत्रिमंडळात दयानंदा कांबळी (शिक्षण मंत्री), आर्यन पाल (उद्यान मंत्री), मानसी मंगर (आरोग्य मंत्री), सिद्धांत चलाख (वाहतूक मंत्री), माही ब्रामणवाडे (सांस्कृतिक मंत्री) आणि सर्वेश मुप्पिडीवार (क्रीडा मंत्री) यांची निवड करण्यात आली.
हाऊस प्रभारी म्हणून लाईट ग्रीन हाऊससाठी प्रणित कोमलवार व राधा रत्नावर, ब्लू हाऊससाठी गायत्री बोदलकर व सार्थक निमकर, डार्क ग्रीन हाऊससाठी विष्णू वाढई व सानवी नागापूरे, तर पिंक हाऊससाठी साई नायडू व करिष्मा चुदरी यांची निवड करण्यात आली.
कार्यक्रमाचे प्रभावी सूत्रसंचालन अधिश्री आनंदवार (इयत्ता ९ वी), काव्या मडावी (इयत्ता ९ वी) आणि श्री. वामन कवाडकर यांनी केले. संपूर्ण निवडणूक प्रक्रिया व नियोजनाची जबाबदारी श्री. वामन कवाडकर आणि श्री. भूपेंद्र मोटघरे यांनी यशस्वीपणे पार पाडली.
यावेळी प्रमुख अतिथींनी सर्व नवनिर्वाचित विद्यार्थी प्रतिनिधींचे अभिनंदन करून प्रामाणिकपणे व जबाबदारीने कार्य करत शाळेचे नाव उज्ज्वल करण्यासाठी शुभेच्छा दिल्या. उत्साहपूर्ण वातावरणात कार्यक्रमाची सांगता झाली.
