कुरुंदवाड | प्रतिनिधी
लायन्स इंटरनॅशनल अंतर्गत लायन्स क्लब ऑफ कुरुंदवाड (प्रांत 3234-D1, रिजन-4, झोन-1) चा 42 वा पदग्रहण समारंभ शनिवारी (18 जुलै) लायन्स आय हॉस्पिटल, गणंजय नगर, कुरुंदवाड येथे उत्साहात पार पडला. यावेळी ला. सौ. माधुरी सावगावे यांची अध्यक्षपदी, ला. सौ. शैलजा आलासे यांची सचिवपदी, तर ला. सौ. रुपाली व्होरा यांची खजिनदारपदी निवड जाहीर करण्यात आली.
कार्यक्रमाची सुरुवात मावळत्या अध्यक्षा ला. सौ. अर्चना सुतार यांच्या हस्ते घंटानादाने झाली. त्यानंतर ला. आसावरी जमदग्नी यांनी ध्वजवंदन केले. प्रमुख पाहुण्यांचा शाल, पुष्पगुच्छ देऊन सत्कार करण्यात आला तसेच नव्या पदाधिकाऱ्यांना पदभार व पिन प्रदान करण्यात आल्या.
या सोहळ्यास ला. अशोक मेहता (PMJF), माजी प्रांतपाल व मल्टिपल जी.ई.टी., तसेच ला. इंजि. सुनील सुतार (PMJF), माजी प्रांतपाल व माजी मल्टिपल सेक्रेटरी हे प्रमुख पाहुणे म्हणून उपस्थित होते. त्यांचा परिचय व स्वागत ला. प्रा. सुनील चव्हाण यांनी केले.
यावेळी ला. सौ. आसावरी जमदग्नी यांनी वर्ष 2025-26 चा कार्यअहवाल सादर केला. मावळत्या अध्यक्षा ला. सौ. अर्चना सुतार यांनी सर्व सदस्यांचे सहकार्याबद्दल आभार मानून नव्या कार्यकारिणीला शुभेच्छा दिल्या.
कार्यक्रमादरम्यान प्रमुख पाहुण्यांच्या हस्ते वृक्षारोपणाचा संदेश देत झाडांना पाणी घालण्यात आले. त्यानंतर नव्या कार्यकारिणीचा अधिकृत पदग्रहण सोहळा पार पडला.
नवीन कार्यकारिणी पुढीलप्रमाणे
- अध्यक्ष – ला. सौ. माधुरी सावगावे
- सचिव – ला. सौ. शैलजा आलासे
- खजिनदार – ला. सौ. रुपाली व्होरा
- प्रथम उपाध्यक्ष – ला. सौ. रुपाली चव्हाण
- द्वितीय उपाध्यक्ष – ला. सौ. वर्षा घोरपडे
- तृतीय उपाध्यक्ष – ला. ॲड. देवराज मगदूम
- संयुक्त सचिव – ला. सौ. आरती दानोळे
- संयुक्त खजिनदार – ला. सौ. अपर्णा बिडकर
याशिवाय विविध समित्यांवर आणि जबाबदाऱ्यांवर इतर पदाधिकाऱ्यांचीही नियुक्ती करण्यात आली.
या प्रसंगी ला. इंजि. सुनील सुतार यांनी मार्गदर्शन करत लायन्स क्लबच्या समाजसेवेच्या परंपरेचा गौरव केला. ला. अशोक मेहता यांनी सर्व नूतन पदाधिकाऱ्यांना पदाची शपथ देत आगामी कार्यकाळासाठी शुभेच्छा दिल्या.
यावेळी मावळत्या पदाधिकाऱ्यांचा तसेच एस. के. पाटील महाविद्यालय, कुरुंदवाड येथे प्राचार्यपदी नियुक्ती झाल्याबद्दल ला. प्रा. सुनील चव्हाण यांचा विशेष सत्कार करण्यात आला. तसेच उत्कृष्ट कार्याबद्दल काही सदस्यांचा गौरवही करण्यात आला.
नूतन अध्यक्षा ला. सौ. माधुरी सावगावे यांनी आगामी वर्षात विविध समाजोपयोगी उपक्रम राबविण्याचा संकल्प व्यक्त केला.
कार्यक्रमास कुरुंदवाड, शिरोळ, जयसिंगपूर परिसरातील लायन्स सदस्य, मान्यवर, पत्रकार आणि नागरिक मोठ्या संख्येने उपस्थित होते. सूत्रसंचालन ला. ॲड. विजय जमदग्नी यांनी केले, तर आभार प्रदर्शन ला. सौ. शैलजा आलासे यांनी मानले. स्नेहभोजनाने कार्यक्रमाची सांगता झाली.
