राष्ट्रवादी काँग्रेसचे युवा नेते धनंजय आडसकर यांचा पुढाकार
पाथरी | प्रतिनिधी
महाराष्ट्राचे माजी उपमुख्यमंत्री स्व. अजितदादा पवार यांच्या जयंतीनिमित्त पाथरी तालुक्यातील तुरा येथे राष्ट्रवादी काँग्रेस पक्षाचे युवा नेते धनंजय आडसकर यांच्या पुढाकाराने विविध सामाजिक उपक्रमांचे आयोजन करण्यात आले.
सकाळी ८ वाजता ग्रामपंचायत कार्यालयात स्व. अजितदादा पवार यांच्या प्रतिमेला पुष्पहार अर्पण करून अभिवादन करण्यात आले. त्यानंतर गावात विविध प्रकारच्या वृक्षांची लागवड करून पर्यावरण संवर्धनाचा संदेश देण्यात आला.
तसेच सकाळी ९ ते दुपारी १ या वेळेत मोफत आरोग्य तपासणी व मोतीबिंदू तपासणी शिबिराचे आयोजन करण्यात आले. या शिबिरात ५६० नागरिकांची आरोग्य तपासणी करण्यात आली. तपासणीनंतर ४५ रुग्णांची मुंबई येथील शंकरा आय हॉस्पिटलमध्ये मोफत मोतीबिंदू शस्त्रक्रिया करण्यात येणार असल्याची माहिती आयोजकांनी दिली.
यावेळी पोलीस पाटील विष्णू मोरे, माजी सरपंच हरिभाऊ जाधव, माजी उपसरपंच भागवत ढाणे, रामेश्वर चाळक, डॉ. भाले, डॉ. जाधव, बन्सीधर चाळक, नंदकुमार चाळक, रामेश्वर ढाणे यांच्यासह ग्रामस्थ मोठ्या संख्येने उपस्थित होते.
कार्यक्रमाच्या यशस्वी आयोजनासाठी समीर सय्यद, सुरेश आडसकर, बालासाहेब चाळक, प्रल्हाद जाधव, सोहेल सय्यद आणि नागसेन मनेरे यांनी विशेष परिश्रम घेतले.
