गेवराई | प्रतिनिधी
गेवराई तालुक्यातील ठाकर आडगाव येथील जिल्हा परिषद प्राथमिक शाळेत स्व. माजी उपमुख्यमंत्री अजितदादा पवार यांच्या जयंतीनिमित्त अभिवादन कार्यक्रम उत्साहात पार पडला. कार्यक्रमास मुख्याध्यापक, शिक्षक, विद्यार्थी तसेच ग्रामस्थ उपस्थित होते.
कार्यक्रमाची सुरुवात स्व. अजितदादा पवार यांच्या प्रतिमेला पुष्पहार अर्पण करून करण्यात आली. यावेळी उपस्थितांनी त्यांच्या स्मृतींना विनम्र अभिवादन केले.
याप्रसंगी वक्त्यांनी स्व. अजितदादा पवार यांच्या राजकीय आणि प्रशासकीय कार्याचा गौरव करत त्यांचे निर्णयक्षम, शिस्तबद्ध आणि विकासाभिमुख नेतृत्व अधोरेखित केले. महाराष्ट्राच्या विकासात तसेच तळागाळातील कार्यकर्त्यांना बळ देण्यात त्यांचे योगदान महत्त्वपूर्ण असल्याचे त्यांनी नमूद केले.
राज्य शासनाच्या निर्णयानुसार स्व. अजितदादा पवार यांची जयंती शासकीय स्तरावर साजरी करण्यात येत असल्याचा उल्लेखही यावेळी करण्यात आला. त्यांच्या कार्यातून शिस्त, वेळेचे नियोजन, लोकाभिमुख प्रशासन आणि विकासाची दृष्टी यांचा आदर्श घेण्याचे आवाहन करण्यात आले.
कार्यक्रमाच्या शेवटी उपस्थितांनी स्व. अजितदादा पवार यांच्या विचारांचा वारसा जपण्याचा संकल्प व्यक्त केला. यावेळी शाळेचे मुख्याध्यापक, सर्व शिक्षक, विद्यार्थी व ग्रामस्थ मोठ्या संख्येने उपस्थित होते.
