माहूरगड | प्रतिनिधी :
माहूरगड तालुक्यातील मलकागुडा येथे दि. २२ जुलै २०२६ रोजी महाराष्ट्राचे दिवंगत उपमुख्यमंत्री स्व. अजितदादा पवार यांच्या जयंतीनिमित्त सर्वधर्मीय नागरिकांच्या उपस्थितीत अभिवादन कार्यक्रम आयोजित करण्यात आला.
यावेळी स्व. अजितदादा पवार यांच्या प्रतिमेस पुष्पहार अर्पण करून त्यांच्या कार्याला विनम्र अभिवादन करण्यात आले. कार्यक्रमात गावातील सर्व समाजातील नागरिक, पदाधिकारी आणि ग्रामस्थ मोठ्या संख्येने सहभागी झाले.
या प्रसंगी श्री. आनंदराव बुडलवार, श्री. काशीराम आर. के., श्री. गजानन कन्नलवार, श्री. संजय तुमराम, श्री. केशव पवार तसेच गावातील ज्येष्ठ नागरिक श्री. रामप्रसाद बर्डे यांची प्रमुख उपस्थिती होती.
कार्यक्रमात उपस्थित मान्यवरांनी स्व. अजितदादा पवार यांच्या कार्याचे स्मरण करत त्यांना आदरांजली वाहिली. सर्वधर्मीय नागरिकांच्या सहभागामुळे कार्यक्रमाला सामाजिक ऐक्याचे स्वरूप प्राप्त झाले.
