सोलापूर जिल्हा न्यूज प्रतिनिधी : चंद्रकांत गायकवाड
माळशिरस तालुक्यातील मौजे विझोरी-निमगाव पाटी येथे गोकुळाष्टमी तसेच सरपंच विक्रमसिंह (काकासाहेब) घुले यांच्या वाढदिवसानिमित्त भव्य बैलगाडा शर्यतीचे आयोजन करण्यात आले. ‘एक हात, एक बैल’ आणि ‘सरपंच केसरी २०२६’ या संकल्पनेतून आयोजित करण्यात आलेल्या या मैदानाला बैलगाडा शौकिनांचा उत्स्फूर्त प्रतिसाद मिळाला..
या शर्यतीच्या मैदानाला जिल्हा परिषद सदस्य अर्जुनसिंह मोहिते-पाटील यांनी उपस्थित राहून आयोजक व सहभागी बैलगाडा शौकिनांना शुभेच्छा दिल्या. यावेळी सरपंच विक्रमसिंह (काकासाहेब) घुले तसेच सागर देशमुख यांच्या वाढदिवसानिमित्त त्यांचा सत्कार करून त्यांना शुभेच्छा देण्यात आल्या.
या कार्यक्रमास माजी जिल्हा परिषद सदस्य राहुल बापू वाघमोडे, माजी सरपंच विष्णूपंत घाडगे, आप्पासाहेब देशमुख, आबा घुले, अण्णा सोनटक्के यांच्यासह परिसरातील बैलगाडा शौकीन मोठ्या संख्येने उपस्थित होते.
गोकुळाष्टमीच्या निमित्ताने आयोजित करण्यात आलेल्या या बैलगाडा शर्यतीमुळे परिसरात उत्साहाचे वातावरण निर्माण झाले होते. शर्यती पाहण्यासाठी नागरिक व बैलगाडा शौकीनांनी मोठी गर्दी केली होती.
