🚨 लोणावळ्यात बंद बंगला फोडून १४ लाखांहून अधिकची चोरी; अज्ञात चोरट्याविरुद्ध गुन्हा दाखल

🔴 अधिक रकमेसह सोने-चांदीचे दागिने, हिरे व रोख रकमेवर डल्ला

लोणावळा : पर्यटननगरी लोणावळ्यातील वलवण बाराबंगला परिसरात बंद बंगल्याचे कुलूप तोडून अज्ञात चोरट्यांनी तब्बल १४ लाख १५ हजार रुपयांचा ऐवज लंपास केल्याची धक्कादायक घटना समोर आली आहे. या घटनेमुळे परिसरातील नागरिकांमध्ये चिंतेचे वातावरण निर्माण झाले आहे.

मीळालेल्या माहिती नुसार चोरठ्याने आर्थिक फायद्याच्या उद्देशाने बंगल्याच्या मागील कंपाउंडवरून आत प्रवेश केला. त्यानंतर पत्र्याच्या शेडवरून गॅलरीत जाऊन, गॅलरीचा मुख्य दरवाजाची कडी तोडून आत प्रवेश केला आणि घरातील मौल्यवान ऐवज चोरून पोबारा केला. सोन्याचे चांदीचे व हिऱ्याचे दागिने तसेच दीड लाख रुपये रोख असे एकूण 14 लाख 15 हजार रुपयांची चोरी या ठिकाणी झाली असून

या प्रकरणी फिर्यादी निलेश श्रीकृष्ण वर्तक (वय ५६, रा. सह्याद्री फार्म्स, वलवण, लोणावळा) यांनी दिलेल्या तक्रारीवरून लोणावळा शहर पोलीस ठाण्यात अज्ञात चोरट्याविरुद्ध भारतीय न्याय संहिता (BNS) कलम ३०५(A) आणि ३३१(४) अन्वये गुन्हा दाखल करण्यात आला आहे.

👮 पोलिसांकडून तपास सुरू

लोणावळा शहर पोलीस निरीक्षक सचिन पाटील यांच्या मार्गदर्शनाखाली तपास अधिकारी पोलीस उपनिरीक्षक (PSI) चंदनशिव हे या प्रकरणाचा पुढील तपास करत आहेत. चोरी करणाऱ्या अज्ञात आरोपींचा शोध घेण्यासाठी पोलिसांकडून तपास सुरू असून, परिसरातील संभाव्य सीसीटीव्ही फुटेज व इतर पुराव्यांच्या आधारे चोरट्यांचा माग काढण्याचे प्रयत्न सुरू आहेत.

बंद बंगले चोरट्यांच्या निशाण्यावर?

लोणावळ्यात पर्यटनासाठी येणाऱ्या नागरिकांकडून मोठ्या प्रमाणात बंगले भाड्याने घेतले जातात. त्याच पार्श्वभूमीवर बंद असलेल्या बंगल्यांच्या सुरक्षेचा प्रश्न पुन्हा ऐरणीवर आला आहे. त्यामुळे बंगला मालकांनी तसेच नागरिकांनी सुरक्षा व्यवस्था आणि सीसीटीव्ही यंत्रणेकडे विशेष लक्ष देण्याची गरज निर्माण झाली आहे.