लातूर : प्रतिनिधी
सकल मराठा समाजाच्या वतीने पुकारण्यात आलेल्या लातूर जिल्हा बंदला जिल्हाभरातून उत्स्फूर्त प्रतिसाद मिळाला. मनोज जरांगे पाटील यांच्या आंदोलनाला पाठिंबा देण्यासाठी सकल मराठा समाजाच्या वतीने जिल्ह्यात विविध ठिकाणी आंदोलन करण्यात आले. यावेळी जिल्ह्यातील सर्व तालुके तसेच ग्रामीण भागात रास्ता रोको आंदोलन करण्यात आले.
मनोज जरांगे पाटील यांच्या उपोषणाला सकल मराठा समाजाने जाहीर पाठिंबा दर्शविला. त्यांच्या मागण्यांच्या समर्थनार्थ विविध ठिकाणी मोटारसायकल रॅली काढण्यात आली. तसेच व्यापारी व नागरिकांनी बंदला प्रतिसाद देत अनेक ठिकाणी दुकाने बंद ठेवली.
लातूर शहरासह जिल्ह्यातील विविध तालुक्यांमध्ये सकल मराठा समाजाच्या कार्यकर्त्यांनी एकत्र येत आंदोलन केले. रास्ता रोको, मोटारसायकल रॅली तसेच दुकाने बंद ठेवून आंदोलनाला पाठिंबा देण्यात आला.
या जिल्हा बंदमुळे लातूर जिल्ह्यातील अनेक भागांत दिवसभर बंदचे वातावरण दिसून आले. सकल मराठा समाजाच्या आंदोलनाला जिल्हाभरातून मोठा प्रतिसाद मिळाल्याचे चित्र पाहायला मिळाले.
