‘फ्री’चा बोर्ड लावून प्रवाशांकडून पैसे वसुली? चौकशीची मागणी
लोणंद, ता. फलटण, जि. सातारा :
लोणंद येथील बस स्टॉपवरील वॉशरूमच्या शुल्काबाबत प्रवाशांमध्ये नाराजी व्यक्त होत असून, ‘फ्री’ असा बोर्ड लावलेला असतानाही वॉशरूम वापरण्यासाठी पैसे मागितले जात असल्याचा आरोप करण्यात आला आहे.
वीर योद्धा प्रतिष्ठान महाराष्ट्र राज्यचे संस्थापक अध्यक्ष बापू विजयराव ढावरे यांच्या मार्गदर्शनाखाली कार्यरत असलेले सोशल मीडिया प्रमुख सुशांत आण्णा मोहिते यांनी याबाबत प्रश्न उपस्थित केला आहे.
वॉशरूमच्या ठिकाणी ‘फ्री’ असा बोर्ड लावण्यात आलेला असताना प्रत्यक्षात पैसे मागितले जात असल्याचे त्यांच्या निदर्शनास आले. याबाबत संबंधित व्यक्तीकडे जाब विचारला असता, “हा बोर्ड पालखीच्या वेळेस लावला होता,” असे उत्तर देण्यात आल्याचे सांगण्यात आले.
मात्र, जर वॉशरूमसाठी शुल्क आकारले जात असेल, तर शुल्क किती आहे, त्याची अधिकृत पावती दिली जाते का आणि ‘फ्री’चा बोर्ड अद्याप का लावण्यात आला आहे? असे अनेक प्रश्न उपस्थित होत आहेत.
प्रवाशांकडून अशा प्रकारे पैसे वसूल केले जात असतील तर संबंधित प्रशासनाने याची तातडीने चौकशी करून वस्तुस्थिती स्पष्ट करावी, तसेच नियमबाह्य शुल्क आकारले जात असल्यास संबंधितांवर कारवाई करावी, अशी मागणी होत आहे.
प्रवाशांची गैरसोय आणि आर्थिक लूट थांबणार कधी? असा सवाल नागरिकांकडून उपस्थित केला जात आहे.
— वीर योद्धा प्रतिष्ठान महाराष्ट्र राज्य
संस्थापक अध्यक्ष : मा.श्री.बापू विजयराव ढावरे
सोशल मीडिया प्रमुख : सुशांत आण्णा मोहिते
