कबड्डी, व्हॉलीबॉल अन् पारंपरिक रेला नृत्याने रंगणार दोन दिवसीय महोत्सव; आदिवासी संस्कृतीच्या संवर्धनाचा पोलिसांचा पुढाकार
आयोजक पोलीस मदत केंद्र बुर्गी
प्रतिनिधी : सुगत उराडे
बुर्गी (येमली), दि. ६ सप्टेंबर २०२६ :
गडचिरोली पोलीस दलाच्या *‘पोलीस दादालोरा खिडकी’ च्या माध्यमातून राबविण्यात येत असलेल्या ‘प्रोजेक्ट उडान’अंतर्गत ‘गडचिरोली महोत्सव २०२६’ला बुर्गी (येमली) येथे उत्साहात सुरुवात झाली. पोलीस मदत केंद्र बुर्गी (येमली) यांच्या वतीने आयोजित करण्यात आलेल्या या दोन दिवसीय महोत्सवात क्रीडा आणि सांस्कृतिक स्पर्धांचे आयोजन करण्यात आले आहे.
महोत्सवात ‘वीर बाबुराव शेडमाके’ कबड्डी स्पर्धा, ‘भगवान बिरसा मुंडा’ व्हॉलीबॉल स्पर्धा तसेच आदिवासी पारंपरिक रेला नृत्य स्पर्धा आयोजित करण्यात आली आहे. ६ व ७ सप्टेंबर २०२६ रोजी पोलीस मदत केंद्र, बुर्गी (येमली) येथे या स्पर्धा पार पडत आहेत.
या स्पर्धांमध्ये परिसरातील बुर्गी, येमली, करपणफुंडी, गुंडापुरी, बिड्री, मंगुठा, पैमा, कांदोळी, उडेरा, कोंदावाही, मरकल आदी गावांतील विविध संघ व नागरिकांनी सहभाग नोंदविला आहे. स्पर्धेत प्रथम क्रमांक पटकाविणाऱ्या संघांना आकर्षक बक्षिसे देण्यात येणार आहेत.
आदिवासी संस्कृतीला जपण्याचा संदेश
क्रीडा स्पर्धांसोबतच पारंपरिक रेला नृत्याला व्यासपीठ उपलब्ध करून देण्यात आल्याने आदिवासी समाजाची समृद्ध सांस्कृतिक परंपरा जपण्यास आणि नव्या पिढीपर्यंत पोहोचविण्यास हातभार लागणार आहे. ‘आदिवासी संस्कृती ही आमची शान, त्यांचा सन्मान हीच आमची ओळख’ या भावनेतून महोत्सवाचे आयोजन करण्यात आले आहे.
“खेळातून निर्माण होतो निरोगी समाज आणि सुरक्षित उद्याचा पाया,” या संदेशातून युवकांना क्रीडा क्षेत्राकडे वळविण्यासोबतच सामाजिक सलोखा आणि सुरक्षिततेचा संदेशही देण्यात येत आहे.
पोलीस अधिकारी व कर्मचाऱ्यांची उपस्थिती
कार्यक्रमास PSI तुषार जाधव, प्रभारी अधिकारी, पोलीस मदत केंद्र बुर्गी (येमली), PSI आशिष पंधरे, ASI टाकळीकर (SRPF-७) तसेच पोलीस मदत केंद्र बुर्गी (येमली)चे सर्व अंमलदार आणि SRPF ग्रुप-७चे अधिकारी व कर्मचारी उपस्थित होते.
यावेळी पोलीस पाटील विजय मडावी (बिड्री), पोलीस पाटील विनोद हिचामी (बुर्गी), पोलीस पाटील अनिल मडावी (येमली), सामाजिक कार्यकर्ता सुगत उराडे (बुर्गी), टेकाम मेजर, उरेते मेजर, उईके मेजर, दुपारे मेजर, गावडे मेजर यांच्यासह जिल्हा पोलीस दलातील पुरुष व महिला कर्मचारी, SRPFचे जवान तसेच परिसरातील नागरिक मोठ्या संख्येने उपस्थित होते.
क्रीडा, संस्कृती आणि सामाजिक बांधिलकी यांचा सुंदर संगम घडविणाऱ्या या महोत्सवामुळे बुर्गी परिसरा
