संत ज्ञानेश्वर विद्यालय वाहेगाव साळ ता. चांदवड जि. नाशिक
आज दिनांक पाच सप्टेंबर रोजी डॉक्टर सर्वपल्ली राधाकृष्णन यांची जयंती अर्थातच शिक्षक दिन विद्यालयात मोठ्या उत्साहात साजरा करण्यात आला. याप्रसंगी सकाळी शाळा भरण्यापासून संपूर्ण कामकाज विद्यालयातील इयत्ता दहावीच्या विद्यार्थी विद्यार्थिनींनी सांभाळले त्यामध्ये मुख्याध्यापक शिक्षक शिक्षकेतर या भूमिका पार पाडताना विद्यार्थ्यांची सुरुवातीला थोडी धावपळ झाली मात्र विद्यार्थ्यांनी वर्गातील अध्यापनापासून ते इतर कामे व्यवस्थित आणि सुरळीतपणे पार पाडली.
त्यानंतर त्यानंतर डॉक्टर सर्वपल्ली राधाकृष्णन यांची जयंती साजरी करण्यात आली विद्यालयाचे मुख्याध्यापक श्री पाटील व्ही डी यांचे समवेत पर्यवेक्षक व शिक्षक यांनी डॉक्टर सर्वपल्ली राधाकृष्णन यांचे प्रतिमेचे पूजन करून कार्यक्रमाची सुरुवात करण्यात आली.
कार्यक्रमाचे अध्यक्षस्थानी विद्यालयाचे मुख्याध्यापक श्री पाटील व्ही डी.सर हे होते या प्रसंगी इयत्ता दहावीच्या विद्यार्थ्यांतर्फे विद्यालयातील सर्व शिक्षक शिक्षकेतर कर्मचारी यांचा सत्कार करण्यात आला.
त्यानंतर आजच्या विद्यार्थी शिक्षकांनी त्यांना वर्गातील तसेच इतर बाबतीत आलेले अनुभव या प्रसंगी त्यांनी आपल्या मनोगतातून व्यक्त करताना शिक्षकाची भूमिका काय असते हे व्यक्त केले. त्याचबरोबर वर्गातील विद्यार्थ्यांनी देखील आजच्या विद्यार्थी शिक्षकांच्या अध्यापनाबाबत आपली मते व्यक्त केली.
