🏆🎶 शेगाव येथे ओम साई प्रतिष्ठानच्या वतीने संगीत खुर्ची स्पर्धेचे बक्षीस वितरण उत्साहात संपन्न! 🎶🏆

शेगाव, ता. जत :

शेगाव येथील सुरभी नवरात्र उत्सव मंडळाच्या नवरात्रोत्सवानिमित्त ओम साई प्रतिष्ठान सामाजिक संस्था, शेगाव यांच्या वतीने संगीत खुर्ची स्पर्धेचे आयोजन करण्यात आले होते. या स्पर्धेतील विजेत्यांना मान्यवरांच्या हस्ते बक्षिसांचे वितरण करण्यात आले. यावेळी उपस्थितांनी स्पर्धकांचे अभिनंदन करून त्यांना पुढील वाटचालीसाठी शुभेच्छा दिल्या.

या बक्षीस वितरण समारंभासाठी सुभेदार मेजर शिवाजी बोराडे, शेगाव सोसायटीचे संचालक कल्लू नाईक, संस्थेचे सदस्य बाळा आबा गायकवाड, भारत शिंदे, रमेश वानखडे सर, ओम साई प्रतिष्ठानचे संस्थापक समाधान माने, अध्यक्ष बबलू शिंदे आणि प्रवीण सुतार यांच्यासह संस्थेचे पदाधिकारी व सदस्य उपस्थित होते.

नवरात्रोत्सवाच्या निमित्ताने आयोजित करण्यात आलेल्या या उपक्रमामुळे नागरिकांमध्ये आनंदाचे आणि उत्साहाचे वातावरण निर्माण झाले. सामाजिक, सांस्कृतिक व मनोरंजनात्मक उपक्रमांच्या माध्यमातून नागरिकांना एकत्र आणण्याचे कार्य ओम साई प्रतिष्ठान सातत्याने करत आहे.

या कार्यक्रमाच्या यशस्वितेसाठी ओम साई प्रतिष्ठानचे पदाधिकारी व सदस्यांनी परिश्रम घेतले.