मान्यवरांच्या हस्ते नियुक्तीपत्र प्रदान; भाजपा परिवाराकडून अभिनंदनाचा वर्षाव
बार्शी (प्रतिनिधी) : भारतीय जनता युवा मोर्चाच्या सोलापूर पश्चिम ग्रामीण जिल्हा सरचिटणीसपदी आदेश बंडू वाणी यांची निवड करण्यात आली आहे. या निवडीबद्दल त्यांना महाराष्ट्र राज्याचे उच्च व तंत्रशिक्षण मंत्री चंद्रकांतदादा पाटील, ग्रामविकास व पंचायत राज मंत्री तथा सोलापूर जिल्ह्याचे पालकमंत्री जयकुमार गोरे आणि विधान परिषदेचे आमदार राजेंद्र राऊत यांच्या हस्ते नियुक्तीपत्र प्रदान करण्यात आले.
आदेश वाणी यांच्या निवडीमुळे भाजपा युवा मोर्चाच्या संघटनात्मक कार्याला बळ मिळेल, अशी अपेक्षा व्यक्त करण्यात येत आहे. त्यांच्या निवडीबद्दल भाजपा परिवारातील पदाधिकारी व कार्यकर्त्यांनी अभिनंदन करून पुढील राजकीय आणि सामाजिक वाटचालीस शुभेच्छा दिल्या.
यावेळी सोलापूर जिल्हा भाजप युवा मोर्चाचे अध्यक्ष अॅड. रणवीर राजेंद्र राऊत, तालुकाध्यक्ष, युवा मोर्चाचे विविध पदाधिकारी आणि कार्यकर्ते मोठ्या संख्येने उपस्थित होते.
