करमाळा (प्रतिनिधी):
करमाळा शहरातील करमाळा लिट्टल चॅम्प्स स्कूल येथे ‘क्रीडो एक्झिबिशन’ हा उपक्रम मोठ्या उत्साहात पार पडला. विद्यार्थ्यांनी विविध शैक्षणिक व कौशल्याधारित सादरीकरणातून आपली कला, आत्मविश्वास आणि सर्जनशीलता प्रभावीपणे मांडली.
या कार्यक्रमासाठी अभिजीत मोकाशी (प्रशिक्षण व्यवस्थापक, क्रीडो) तसेच अंबिका बिराजदार यांची प्रमुख उपस्थिती लाभली. त्यांनी विद्यार्थ्यांच्या सादरीकरणाचे कौतुक करत शाळेच्या उपक्रमांचे अभिनंदन केले आणि अशा उपक्रमांमुळे मुलांच्या सर्वांगीण विकासाला चालना मिळते, असे मत व्यक्त केले.
शाळेच्या मुख्याध्यापिका मिसेस एलिझाबेथ मोझेस असाडे यांच्या मार्गदर्शनाखाली कार्यक्रमाचे सुयोग्य नियोजन करण्यात आले. पूर्वप्राथमिक (लघु बालवर्ग) व वरिष्ठ बालवर्ग यांच्या वर्गशिक्षिका मिसेस कीर्ती पाचकवडे-दिरगुळे, बालवाडीच्या वर्गशिक्षिका मिसेस कीर्ती दुर्गेश राठोड, संगणक शिक्षिका कोमल सुनील चव्हाण तसेच मदतनीस चित्रा सुमित ढाले यांनी कार्यक्रम यशस्वी करण्यासाठी विशेष परिश्रम घेतले.
विद्यार्थ्यांनी विविध शैक्षणिक मॉडेल्स, कृतीआधारित शिक्षण साहित्य आणि सर्जनशील उपक्रम सादर करून उपस्थित पालकांची मने जिंकली. पालकांनीही कार्यक्रमाचे मनापासून कौतुक करत शाळेच्या नाविन्यपूर्ण उपक्रमांना सकारात्मक प्रतिसाद दिला.
एकूणच, ‘क्रीडो एक्झिबिशन’मुळे विद्यार्थ्यांच्या आत्मविश्वासात भर पडली असून त्यांच्या सर्वांगीण विकासाला नवी दिशा मिळाल्याचे समाधानकारक चित्र पाहायला मिळाले.
