प्रतिनिधी:~दत्तात्रय यादव दौंड तालुक्यातील भांडगाव विविध कार्यकारी सोसायटी मधील भ्रष्टाचार चव्हाट्यावरती आणणारे तसेच सातत्याने सोसायटीतील सभासदांच्या प्रश्नांसाठी प्रशासनाबरोबर झगडणारं झुंजणार नेतृत्व रामभाऊ दोरगे आज सोसायटीची वार्षिक सर्वसाधारण सभा सुरू असताना गोरगरीब सभासदांचे प्रश्न मांडत असताना आज सर्वसाधारण सभेमध्येच हृदयविकाराच्या तीव्र झटक्याने त्यांचे निधन झाले.
रामभाऊ दोरगे हे सातत्याने भांडगाव विविध कार्यकारी सेवा सोसायटीमध्ये जो काय भ्रष्टाचार चालू होता. त्याबद्दल सातत्याने प्रशासनाबरोबर पत्र व्यवहार करणे प्रशासनाला जाब विचारणे त्यांनी काही दिवसापूर्वी आमरण उपोषणही केले होते. अशा विविध सामाजिक प्रश्नांकडे सातत्याने लक्ष देऊन गावचे,सभासदांचे,आणि सोसायटीचे संस्थेचे हित कसं जपता येईल त्यासाठी सातत्याने प्रयत्न करून प्रश्न मांडत असत या सर्व कार्यातून समाजाविषयीची तळमळ ही दिसून येत होती. त्यांनी आतापर्यंत त्यांच्या कारकीर्दीमध्ये आपण समाजाचं काही देणं लागतो या भावनेमधून समाजकार्याचा विडा उचलला होता. ते भ्रष्टाचाराच्या विरोधामध्ये आपल्या शेवटच्या श्वासापर्यंतव लढत राहिले आणि लढता लढताच आपला प्राणाचे बलिदान दिले. समाजाचे भान असणाऱ्या समाजसेवकाला सारथी महाराष्ट्राचा तर्फे भावपूर्ण श्रद्धांजली
मृत्यू अटळ आहे तो रोखू शकत नाही.
पण तुमच्या आठवणी आम्ही पुसू शकत नाही….!
