माहूर (प्रतिनिधी):
राजर्षी शाहू फाउंडेशन संचलित जीनियस किड्स इंटरनॅशनल स्कूल येथे शैक्षणिक वर्ष २०२६-२७ पासून दहावी बोर्ड परीक्षेचे अधिकृत केंद्र सुरू झाले असून सध्या परीक्षा सुरळीत व शांततामय वातावरणात पार पडत आहे.
विद्यार्थ्यांनी परीक्षा भयमुक्त वातावरणात द्यावी, या उद्देशाने संस्थेचे अध्यक्ष भाग्यवानजी भवरे यांनी परीक्षेच्या पहिल्या दिवशी विद्यार्थ्यांचे गुलाबपुष्प देऊन स्वागत केले व त्यांचा उत्साह वाढवला. या स्वागतामुळे विद्यार्थ्यांमध्ये सकारात्मक ऊर्जा निर्माण झाल्याचे पाहायला मिळाले.
यावेळी दहावी बोर्ड केंद्राचे केंद्रसंचालक सुधीर गोरखेडे, सहाय्यक शेख हैफाज तसेच सर्व पर्यवेक्षक उपस्थित होते. परीक्षेच्या काळात शिस्तबद्ध नियोजन आणि आवश्यक सुविधा उपलब्ध करून देण्यात आल्याची माहिती शाळा प्रशासनाने दिली.
तसेच निर्भय व युवा ग्रामीण पत्रकार संघ यांच्या वतीने सर्व विद्यार्थ्यांना हार्दिक शुभेच्छा देण्यात आल्या. संघाचे राष्ट्रीय अध्यक्ष गणेशजी कचकलवार सर यांनी विद्यार्थ्यांना आत्मविश्वासाने परीक्षा देण्याचे आवाहन केले.
एकूणच, माहूर येथील जीनियस इंटरनॅशनल स्कूलमध्ये दहावी बोर्ड परीक्षा उत्साहपूर्ण आणि सुरळीत वातावरणात सुरू असल्याचे चित्र दिसून येत आहे.
