🔴मात्यापित्यांचे छत्र हरपलेल्या मुलांना तेली समाज उन्नती मंडळ,सिंधुदुर्ग यांच्याकडून आर्थिक व गृह उपयोगी वस्तूंची मदत 🔴

सिंधुदुर्ग प्रतिनिधी :- हरकुळखुर्द-खालची तेलीवाडी येथील शरद खानविलकर यांचा दीड वर्षांपूर्वी मृत्यू झाला होता. त्यानंतर त्यांची पत्नी शारदा खानविलकर यांचा गेल्या जानेवारी महिन्यात आजारपणामुळे मृत्यू झाला.त्यामुळे शाळेत शिकणारी त्यांची चार मुले पोरकी झाली. या मुलांच्या मदतीसाठी आता अनेक हात पुढे येत असताना सिंधुदुर्ग जिल्हा तेली समाज उन्नती मंडळाच्या वतीने सिंधुदुर्ग जिल्ह्यातील तेली बांधवांच्या मदतीने १ लाख ५० हजार एवढी रक्कम तन्वी शरद खानविलकर, श्रीधर शरद खानविलकर, प्रथमेश शरद खानविलकर. या तिन्ही मुलांच्या नावे डिपॉझिट करून प्रमाणपत्र सुपूर्त करण्यात आली.

सिंधुदुर्ग जिल्हा तेली समाज उन्नती मंडळ माजी अध्यक्ष आणि कुणकेश्वर देवस्थान समितीचे अध्यक्ष एकनाथ तेली यांनी या मुलांना भविष्यातील शैक्षणिक वाटचालीसाठी मार्गदर्शन करून भविष्यातील वाटचाली करिता सिंधुदुर्ग जिल्ह्यातील तेली समाज आपल्या मागे खंबीरपणे उभा असेल असे आश्वस्त केले.

मंडळाचे सदस्य भूषण शेट्ये यांच्या माध्यमातून गृह उपयोगी पुरविण्यात आल्या याप्रसंगी सिंधुदुर्ग जिल्हा तेली समाज उन्नती मंडळाचे उपाध्यक्ष-परशुराम झगडे, निलेश कामतेकर, सचिव- संजय कवटकर, जिल्हा कार्यकारणी सदस्य-शैलेश डिचोलकर, साईनाथ आंबेरकर, कणकवली अध्यक्ष – महेश (बाळा) डिचोलकर, सचिव-विशाल नेरकर,भूषण शेट्ये,आशिष खानविलकर, शशिकांत खानविलकर, वैभव खानविलकर उपस्थित होते.

हे आर्थिक सहाय्य जमा होण्याकरिता सिंधुदुर्ग जिल्हा तेली समाज उन्नती मंडळाचे खजिनदार दत्ताराम हिंदळेकर यांनी विशेष प्रयत्न केले.तसेच या मुलांना शासनाच्या विविध योजनांचा लाभ मिळवून देण्यासाठी समाज मंडळ प्रयत्नशील असल्याची माहिती सिंधुदुर्ग जिल्हा तेली समाज उन्नती मंडळाच्या वतीने देण्यात आली.

मंडळाच्या या उपक्रमात सहभागी होणाऱ्या एंपार फाऊंडेशन,कणकवली व शासन स्तरावर विविध योजनांचा लाभ मिळवून देण्यासाठी वेळोवेळी सहकार्य करणाऱ्याजिल्हा परिषद सिंधुदुर्गचे मुख्य कार्यकारी अधिकारी रविंद्र खेबुडकर ,कणकवली तहसीलदार श्री. दीक्षांत देशपांडे यांचे आणि या कुटुंबाला सहकार्य करणारे समाजातील स्थानिक व मुंबईत स्थित असलेले दानशूर व्यक्ती,गावातील ग्रामपंचायत प्रशासन,शाळा प्रशासन,ग्रामस्थ व समाज बांधव या सर्वांचे सिंधुदुर्ग जिल्हा तेली समाज उन्नती मंडळ अध्यक्ष तुकाराम तेली यांनी विशेष आभार व्यक्त करून सिंधुदुर्ग जिल्ह्यातील इतर संस्थांनी मदतीचा हात पुढे करून सहकार्य करावे असे आवाहन यावेळी केले.