पाथरी (प्रतिनिधी : अहमद अन्सारी)
पाथरी येथील ज्येष्ठ वैद्यकीय तज्ज्ञ डॉ. आर. आर. कुलकर्णी यांचे आज पहाटे ५ वाजता दीर्घ आजाराने निधन झाले. मृत्यूसमयी त्यांचे वय ८१ वर्षे होते. त्यांच्या निधनाची वार्ता समजताच पाथरीसह संपूर्ण जिल्ह्यात शोककळा पसरली आहे.
डॉ. कुलकर्णी यांनी आपल्या संपूर्ण आयुष्यात रुग्णसेवेलाच सर्वोच्च स्थान दिले. “रुग्णसेवा हीच ईश्वरसेवा” हा मंत्र जपत त्यांनी अनेक वर्षे निस्वार्थ भावनेने वैद्यकीय सेवा बजावली. साधे राहणीमान, कर्तव्यनिष्ठ वृत्ती आणि रुग्णांशी असलेले आपुलकीचे नाते यामुळे ते समाजात अत्यंत आदरणीय व लोकप्रिय होते. त्यांच्या जाण्याने वैद्यकीय क्षेत्रातील एका मार्गदर्शक व सेवाभावी व्यक्तिमत्त्वाचा अस्त झाला आहे.
त्यांच्या पश्चात परिवारासह मोठा आप्तपरिवार आहे. डॉ. कुलकर्णी यांचा अंत्यविधी आज दि. २३ फेब्रुवारी रोजी दुपारी २ वाजेनंतर माळीवाडा येथे होणार असल्याची माहिती त्यांच्या निकटवर्तीयांनी दिली आहे.
