अकोला, दि. २६ : श्रीरामनवमीच्या पावन निमित्ताने अकोला शहरात भव्य आणि भक्तीमय शोभायात्रेचे आयोजन करण्यात आले होते. राज्याचे कामगार मंत्री तथा जिल्ह्याचे पालकमंत्री Akash Fundkar यांनी या शोभायात्रेत सहभागी होत येथील मोठे श्रीराम मंदिरात प्रभू श्रीरामचंद्रांचे दर्शन घेऊन विधिवत पूजन केले.
अकोल्याचे ग्रामदैवत Rajrajeshwar Temple येथून शोभायात्रेला प्रारंभ झाला. यावेळी आमदार Randhir Savarkar, Harish Pimple, Vasant Khandelwal तसेच महापौर Sharada Khedkar यांच्यासह अनेक मान्यवर उपस्थित होते.
शोभायात्रेत विविध सामाजिक व धार्मिक संघटनांच्या वतीने आकर्षक देखावे सादर करण्यात आले. ढोल-ताशांच्या गजरात, भजनी मंडळांच्या सुरेल कीर्तनात आणि ‘जय श्रीराम’च्या घोषणांनी संपूर्ण शहर भक्तीमय वातावरणात न्हाऊन निघाले. हजारो भाविकांनी उत्स्फूर्त सहभाग घेतला.
शहरातील विविध मंडळांकडून ठिकठिकाणी स्वागत कक्ष उभारण्यात आले होते. भाविकांसाठी पिण्याच्या पाण्याची तसेच इतर सोयींची व्यवस्था करण्यात आली होती. वाहनांवर सादर करण्यात आलेले रामायणातील प्रसंग विशेष आकर्षण ठरले. विशेषतः सिटी कोतवाली चौकातील श्री नृसिंहावताराचा देखावा नागरिकांचे लक्ष वेधून घेत होता.
या शोभायात्रेमुळे अकोला शहरात धार्मिक उत्साहासोबतच एकात्मतेचे सुंदर दर्शन घडले.
