मलठण : दिवाळी पाडव्याच्या शुभमुहूर्तावर मलठण विविध विकास कार्यकारी सेवा सोसायटीच्या वतीने सामाजिक बांधिलकी जपत अंगणवाडी सेविका, आशा वर्कर, ग्रामसखी (सीआरपी) तसेच पत्रकार बांधवांना मिठाईचे वाटप करण्यात आले.
दिवाळीचा आनंद सर्वांपर्यंत पोहोचावा आणि समाजासाठी अहोरात्र कार्य करणाऱ्या अंगणवाडी सेविका, आशा वर्कर तसेच पत्रकार बांधवांच्या कार्याचा सन्मान व्हावा, या उद्देशाने हा उपक्रम राबविण्यात आला.
यावेळी माजी चेअरमन नाना फुलसुंदर, रोहिदास दंडवते, माजी चेअरमन शरद दंडवते, विद्यमान चेअरमन बिरा शिंदे, ज्येष्ठ संचालक महादेव पांडुरंग गायकवाड, सचिव मोहन वाव्हाळ ,यांच्यासह सर्व अंगणवाडी सेविका, आशा वर्कर, ग्रामसखी (सीआरपी) व पत्रकार बांधव उपस्थित होते.
मलठण मध्ये विकास सोसायटीचे दहा कोटी पेक्षा जास्त वाटप असून ही नफ्यातील सहकारी संस्था आहे.
या उपक्रमामुळे दिवाळीचा आनंद द्विगुणित झाला असून, सोसायटीच्या या सामाजिक उपक्रमाचे उपस्थितांकडून कौतुक करण्यात आले.
