बातमी :
जळकोट (प्रतिनिधी) : भारतीय संगीत क्षेत्रातील दिग्गज गायिका Asha Bhosle यांच्या कार्याचा गौरव करत जळकोट शहरातर्फे सर्वपक्षीय, सामाजिक संघटना व युवकांच्या वतीने भावपूर्ण आदरांजली अर्पण करण्यात आली.
या वेळी उपस्थित मान्यवरांनी आशा भोसले यांच्या संगीत क्षेत्रातील अमूल्य योगदानाचा उल्लेख करत त्यांच्या सुरेल आवाजाने अनेक पिढ्यांना मंत्रमुग्ध केल्याचे सांगितले. त्यांच्या गीतांनी भारतीय संगीताला जागतिक स्तरावर ओळख मिळवून दिली असल्याचेही वक्त्यांनी नमूद केले.
सारथी महाराष्ट्रच्या प्रतिनिधींसह विविध क्षेत्रातील नागरिकांनी उपस्थित राहून त्यांच्या कार्याला सलाम केला. कार्यक्रमात त्यांच्या गाण्यांची आठवण करून देत वातावरण भावूक झाले होते.
