बातमी :
हातकणंगले (प्रतिनिधी) : हातकणंगले येथील लक्ष्मी औद्योगिक वसाहत परिसरात, बलदेव टेक्स्टाईलच्या मागील बाजूस वाघाचे दर्शन झाल्याने परिसरात भीतीचे वातावरण निर्माण झाले आहे.
स्थानिक नागरिकांनी वाघ दिसल्याची माहिती दिल्यानंतर या भागात सतर्कता वाढवण्यात आली आहे. औद्योगिक वसाहतीत काम करणारे कामगार तसेच परिसरातील रहिवासी यांच्यात भीतीचे वातावरण असून अनेकांनी रात्रीच्या वेळी बाहेर पडणे टाळण्यास सुरुवात केली आहे.
या घटनेची माहिती मिळताच वनविभागाला कळविण्यात आली असून वाघाचा शोध घेण्यासाठी पथक तैनात करण्यात येणार असल्याची शक्यता आहे. नागरिकांनी खबरदारी घ्यावी व अफवांवर विश्वास ठेवू नये, असे आवाहन प्रशासनाकडून करण्यात येत आहे.
