परभणी (प्रतिनिधी):
भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त परभणी शहरात सावता सेनेच्या वतीने अभिवादनाचा कार्यक्रम उत्साहात पार पडला.
यावेळी जिल्हाधिकारी कार्यालयासमोरील डॉ. बाबासाहेब आंबेडकर यांच्या पूर्णाकृती पुतळ्यास पुष्पहार अर्पण करून विनम्र अभिवादन करण्यात आले. कार्यक्रमात सामाजिक ऐक्य, समता आणि न्याय या बाबासाहेबांच्या विचारांचा पुनरुच्चार करण्यात आला.
या प्रसंगी सावता सेनेचे संस्थापक अध्यक्ष मुंजाजी गोरे, उद्धव समिन्द्रे, शंकरराव काळे, उत्तमराव तिखे, संजय लुटे, गंगाधर भोगे, देवा महामुने यांच्यासह कार्यकर्ते मोठ्या संख्येने उपस्थित होते.
