जामनेर तालुका (प्रतिनिधी):
भारतरत्न, संविधान निर्माते डॉ. बाबासाहेब आंबेडकर यांच्या १३५ व्या जयंतीनिमित्त वाघारी येथे विविध सामाजिक उपक्रमांच्या माध्यमातून उत्साहाचे वातावरण निर्माण झाले.
कार्यक्रमाची सुरुवात डॉ. बाबासाहेब आंबेडकर तसेच छत्रपती शिवाजी महाराज यांच्या प्रतिमेला पुष्पहार अर्पण करून करण्यात आली. यावेळी उपस्थितांनी महामानवांच्या विचारांना अभिवादन केले.
या निमित्ताने वाघारी ग्रामपंचायतीतर्फे दिव्यांग बांधवांसाठी राखीव असलेल्या ५ टक्के निधीतून ३२ दिव्यांग लाभार्थ्यांना आर्थिक मदत वाटप करण्यात आली. या उपक्रमामुळे सामाजिक बांधिलकीचे दर्शन घडले असून ग्रामस्थांकडून समाधान व्यक्त करण्यात आले.
कार्यक्रमाला ग्रामसचिव भास्कर पुंडलिक महाजन, सरपंच पती मोहन खोनगरे, उपसरपंच संदीप सरताळे, वंचित बहुजन आघाडी युवा तालुका अध्यक्ष योगेश गोसावी, प्रल्हाद सोनवणे, पोलीस पाटील धनराज उंबरकर, ग्रामपंचायत कर्मचारी राजू ढोणे, संदीप ढोणे, दीपक उंबरकर यांच्यासह दिव्यांग बांधव व ग्रामस्थ मोठ्या संख्येने उपस्थित होते.
