भोर (प्रतिनिधी):
दिक्षाभूमी स्मारक समिती, भोर तालुका यांच्या वतीने आयोजित भारतरत्न डॉ. बाबासाहेब आंबेडकर यांच्या जयंती उत्सव कार्यक्रमात भोर तालुक्याचे आमदार संग्राम थोपटे उपस्थित राहिले.
यावेळी त्यांनी डॉ. बाबासाहेब आंबेडकर यांच्या पुतळ्यास पुष्पहार अर्पण करून विनम्र अभिवादन केले. कार्यक्रमादरम्यान उपस्थितांनी बाबासाहेबांच्या विचारांचा जागर करत सामाजिक समतेचा संदेश दिला.
या प्रसंगी रविशेठ कांबळे, महेंद्र साळुंके, प्रकाश ओव्हाळ, स्वप्नील सावंत तसेच अनेक भीमसैनिक मोठ्या संख्येने उपस्थित होते.
कार्यक्रमाच्या शेवटी दिक्षाभूमी स्मारक समितीचे अध्यक्ष म्हणून आमदार संग्राम थोपटे यांनी सर्वांचे आभार मानत जयंतीनिमित्त शुभेच्छा दिल्या.
