अहमदपूर (प्रतिनिधी):
किनगाव येथे विश्वरत्न, महामानव, भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त भव्य प्रतिमा पूजन आणि ध्वजारोहण सोहळा उत्साहपूर्ण वातावरणात पार पडला.
कार्यक्रमाची सुरुवात मान्यवरांच्या हस्ते डॉ. बाबासाहेब आंबेडकर यांच्या प्रतिमेला पुष्पहार अर्पण करून व ध्वजारोहणाने करण्यात आली. यावेळी “जय भीम” च्या घोषणांनी परिसर दुमदुमून गेला होता.
मान्यवरांची उपस्थिती:
या कार्यक्रमाला विविध क्षेत्रातील मान्यवरांनी उपस्थिती लावली. यामध्ये भाजप नेते त्रिंबक आबा गुट्टे, किशोर बापू मुंढे, तसेच विठ्ठलराव बोडके (भाऊ), ॲड. भास्करराव मुंढे, भागवत भाऊ गुट्टे, दिनकर तात्या मुंढे, श्रीधर भाऊ फड यांचा समावेश होता. याशिवाय आश्विन नागराळे, शिवराज भुसाळे, सुनील वाहूळे, धनानंद कांबळे, सुनील कांबळे, दशरथ कांबळे, धनराज बोडके, बंडू श्रृंगारे आदी उपस्थित होते.
कार्यक्रमाचे स्वरूप:
मान्यवरांनी आपल्या मनोगतातून डॉ. बाबासाहेब आंबेडकर यांच्या विचारांचे महत्त्व अधोरेखित करत त्यांच्या संविधानिक मूल्यांवर चालण्याचे आवाहन केले.
या कार्यक्रमाला किनगाव येथील पत्रकार, ग्रामस्थ व कार्यकर्ते मोठ्या संख्येने उपस्थित होते. स्थानिक कार्यकर्त्यांच्या परिश्रमामुळे जयंती उत्सव शिस्तबद्ध व उत्साहात पार पडला.
