अमरावती (प्रतिनिधी)
अमरावती शहरातील प्रभाग क्रमांक ९, मंगलधाम परिसरातील गुरुकृपा कॉलनी येथे भारतरत्न, महामानव डॉ. बाबासाहेब आंबेडकर यांची १३५ वी जयंती विविध सामाजिक उपक्रमांनी उत्साहात साजरी करण्यात आली.
गुरुकृपा कॉलनी येथे डॉ. बाबासाहेब आंबेडकर यांच्या प्रतिमेला पुष्पहार अर्पण करून अभिवादन करण्यात आले. यानंतर नागरिकांच्या उपस्थितीत कार्यक्रम उत्साहात पार पडला आणि महाप्रसादाचा लाभ मोठ्या संख्येने नागरिकांनी घेतला.
तसेच उत्तम नगर येथेही बाबासाहेबांच्या प्रतिमेला हार अर्पण करून अभिवादन करण्यात आले. यावेळी साबुदाणा खिचडी व मठ्ठा वाटप करण्यात आले.
महादेव खोरी परिसरातही अशाच प्रकारे अभिवादन कार्यक्रम पार पडून नागरिकांना मठ्ठा वाटप करण्यात आले.
शहरातील विविध भागांमध्ये झालेल्या या उपक्रमांमुळे सामाजिक एकता, समता आणि बंधुतेचा संदेश देत भीम जयंती उत्साहात साजरी करण्यात आली.
