बारामती (प्रतिनिधी)
बारामती शहरातील राष्ट्रवादी काँग्रेस शरदचंद्र पवार पक्षाच्या कामगार सेलच्या शहराध्यक्षपदी अमोल दिलीप कुलट यांची नियुक्ती करण्यात आली आहे. महाराष्ट्र प्रदेशाध्यक्ष शशिकांत शिंदे यांच्या मान्यतेने ही निवड जाहीर करण्यात आली.
संगम तरुण मंडळाच्या माध्यमातून अमोल कुलट यांनी सामाजिक कार्यात सक्रिय भूमिका बजावत जेष्ठ नागरिक, विद्यार्थी व कामगार बांधवांसाठी उल्लेखनीय काम केले आहे. त्यांच्या या कार्याची दखल घेत पक्षातील वरिष्ठ नेते, खासदार सुप्रिया सुळे, कामगार सेलचे प्रदेशाध्यक्ष शिवाजीराव खटकाळे तसेच बारामती नगर परिषदेच्या विरोधी पक्षनेत्या आरती शेंडगे यांनी त्यांची नियुक्ती केल्याचे सांगण्यात आले.
नियुक्तीनंतर प्रतिक्रिया देताना अमोल कुलट यांनी पक्ष नेतृत्वाचे आभार मानत ही जबाबदारी अत्यंत महत्त्वाची असल्याचे सांगितले. तसेच शिव–फुले–शाहू–आंबेडकर विचारधारेवर काम करत पक्षाचा विचार सर्वसामान्यांपर्यंत पोहोचवण्याचा संकल्प त्यांनी व्यक्त केला.
या नव्या जबाबदारीमुळे संघटन अधिक मजबूत करून राष्ट्रवादी काँग्रेस शरदचंद्र पवार पक्षाचे विचार घराघरात पोहोचवण्याचा प्रयत्न करणार असल्याचे त्यांनी सांगितले.
