जळकोट (जि. लातूर) प्रतिनिधी : जळकोट शहरात भारतरत्न Dr. B. R. Ambedkar यांच्या १३५ व्या जयंतीनिमित्त सर्वजनिक जयंती उत्सव समितीच्या वतीने भव्य आणि उत्साहपूर्ण कार्यक्रमाचे आयोजन करण्यात आले.
यावेळी शहरात मोठ्या प्रमाणात मोटारसायकल रॅली काढण्यात आली. विविध सामाजिक संघटना, सर्व पक्षीय पदाधिकारी, सामाजिक कार्यकर्ते, शिक्षक, तरुण वर्ग, महिला तसेच सर्व समाजातील नागरिकांनी मोठ्या संख्येने सहभाग नोंदवला.
कार्यक्रमादरम्यान काही शाळेतील विद्यार्थ्यांनी नृत्य सादर करून वातावरण भारावून टाकले. तसेच डॉक्टर, वकील, पत्रकार, माजी सैनिक आणि ज्येष्ठ नागरिकांनीही उपस्थित राहून महामानवांना अभिवादन केले.
दरवर्षीप्रमाणे यंदाही जयंती उत्सव मोठ्या उत्साहात साजरा करण्यात आला असून, सर्व समाजातील नागरिकांनी एकत्र येत समता, बंधुता आणि सामाजिक ऐक्याचा संदेश दिला.
या कार्यक्रमाचे आयोजन सर्वजनिक जयंती उत्सव समिती, जळकोट यांच्या वतीने करण्यात आले होते.
