पढावद (प्रतिनिधी) : भारतरत्न Dr. B. R. Ambedkar यांच्या १३५ व्या जयंतीनिमित्त पढावद गावात विविध कार्यक्रमांचे आयोजन करण्यात आले असून, याच पार्श्वभूमीवर एमपीएससी उत्तीर्ण पद्मजा करुणा सुनील कढरे यांचा सत्कार करण्यात आला.
पद्मजा कढरे या अन्न सुरक्षा अधिकारी, गट ‘ब’ (राजपत्रित अधिकारी) म्हणून अन्न व औषध प्रशासन, धुळे येथे कार्यरत असून, त्यांच्या यशामुळे गावात अभिमानाचे वातावरण निर्माण झाले आहे. त्यांच्या सत्कारामुळे जयंती सोहळ्याला विशेष रंग चढला.
१४ एप्रिल रोजी सकाळी १०:३० वाजता बौद्ध विहारात Gautama Buddha व डॉ. बाबासाहेब आंबेडकर यांच्या अष्टधातू मूर्तींचे पूजन करण्यात येणार आहे. त्यानंतर पंचशील व त्रिशरण ग्रहण करून भव्य रॅली काढण्यात येणार आहे. रॅलीदरम्यान डॉ. आंबेडकर तसेच Chhatrapati Shivaji Maharaj यांच्या तैलचित्रांना माल्यार्पण करण्यात येणार आहे.
मिरवणुकीनंतर उपस्थित बांधवांसाठी भोजनाची व्यवस्था समितीच्या वतीने करण्यात आली आहे. जयंती सोहळा भव्य, दिव्य आणि शिस्तबद्ध पार पाडण्यासाठी गावात सजावट, रोषणाई आणि फलक लावण्याचे काम जोमात सुरू आहे.
हा कार्यक्रम यशस्वी करण्यासाठी भीम जयंती मंडळाचे राजेंद्र अहिरे, रुपेश खंडारे, विनोद खंडारे, निलेश खंडारे, दिनेश खंडारे, दीपक खंडारे, आबा खंडारे आदी कार्यकर्ते परिश्रम घेत आहेत. तसेच गावातील मान्यवर छगन खंडारे (माजी सरपंच), ग्रामसेवक भाऊसाहेब गजानन पवार, तुषार पाटील, सोपान पवार, दत्तात्रय ठाकरे, मंगेश महाले, निलेश परदेशी, भगवान परदेशी, समाधान पवार, श्रीकांत पवार आदींची उपस्थिती लाभणार आहे.
एकूणच पढावद गावात आंबेडकर जयंतीचा सोहळा अत्यंत उत्साहपूर्ण, शिस्तबद्ध आणि ऐतिहासिक ठरणार असल्याचे चित्र दिसून येत आहे.
