कन्नड तालुका (प्रतिनिधी) :
बँक ऑफ महाराष्ट्र च्या देवगाव रंगारी शाखेच्या व्यवस्थापक (मॅनेजर) पदी निलेश खरात यांची नुकतीच नियुक्ती करण्यात आली आहे. त्यांच्या निवडीबद्दल परिसरातून स्वागत होत असून अभिनंदनाचा वर्षाव केला जात आहे.
या निमित्ताने भाजप प्रदेश कार्यकारिणी सदस्य तसेच जिल्हा परिषद सदस्य डॉ. संजय गव्हाणे यांनी खरात यांची प्रत्यक्ष भेट घेऊन पुढील यशस्वी वाटचालीस शुभेच्छा दिल्या.
देवगाव रंगारी परिसरात बँक ऑफ महाराष्ट्र ही शेतकरी आणि व्यापाऱ्यांसाठी महत्त्वाची बँक मानली जाते. निलेश खरात यांच्या अनुभवाचा फायदा स्थानिक खातेदार आणि सर्वसामान्य नागरिकांना होईल, असा विश्वास यावेळी व्यक्त करण्यात आला.
या सत्कार प्रसंगी किशोर दिवेकर, नितीन भांडवलदार, मुजीब सय्यद, राहुल कांबळे, सुनिल दाभाडे, प्रकाश नाईक यांच्यासह अनेक पदाधिकारी व नागरिक मोठ्या संख्येने उपस्थित होते.
नवनियुक्त व्यवस्थापक निलेश खरात यांनी सर्वांचे आभार मानत ग्राहकांना उत्तम व पारदर्शक सेवा देण्याचा मानस व्यक्त केला.
