डॉ अशोक खरातांच्या अध्यक्षतेत होणार जाहिर व्याख्यान
प्रा दिलीप नाईकवाड बुलढाणा
समाजात वाढत असलेली अंधश्रध्दा व बुवाबाजी ही मोठी चितेंची बाब होऊन बसली आहे.आज विज्ञान युगाच्या काळातही, शिक्षणाचा एवढा प्रसार होऊन देखील अनेक भोळी भाबडी लोक बुवा बाजीला बळी पडतानां दिसत आहे.चिकित्सक अन विवेकवादी व विज्ञानवादी विचारांचा विसर पडला की काय असा प्रश्न पडला आहे. अशा वेळी जन प्रबोधनासाठी बुलढाणा येथे दि २० एप्रिलला गोवर्धन सभागृह, बुलढाणा अर्बन मुख्य शाखेसमोर अखिल भारतीय अंधश्रद्धा निर्मूलन समितीचे संस्थापक व राष्ट्रीय संघटक प्रा श्याम मानव यांचे ” बुवा तेथे बाया ” या विषयावर सखोल व प्रबोधनात्मक व्याख्यान सायं ६.३० वाजता पार पडणार आहे.भोंदू खरात सारख्या लोभी बाबांच्या जाळ्यात स्त्रीया का फसतात ? मोठ्या प्रमाणात हा लोंढा का वाढत आहे ? सुशिक्षित असूनही असे प्रकार का घडतात ? यापासून आपले कुटूंब कसे सुखरूप ठेवावे ? या सर्व विषयांचा उलगडा अनेक भोंदू बाबांचा भांडाफोड करून विज्ञानवाद रुजविणारे प्रा.श्याम मानव करणार आहे. या कार्यक्रमाचे अध्यक्ष सहकार क्षेत्रातील नियोजनाचे महामेरू डॉ.अशोक खरात हे असणार आहेत.प्रमुख उपस्थितीत राजश्री शाहू परिवाराचे तथा बुलढाण्यातील युवा उद्योजक संदीप शेळके तथा डॉ.इंदुमती लहाने हे असणार आहेत.अखिल भारतीय अंधश्रद्धा निर्मूलन समिती बुलढाणा तथा बुलढाणा जिल्ह्यातील सर्व समविचारी संघटनाच्या माध्यमातून या लोकप्रबोधनाच्या कार्यक्रमाचे आयोजन करण्यात आले आहे, तरी समितीच्या वतीने बुलढाणा शहरातील सर्वांनी लाभ घ्यावा असे आवाहन करण्यात आले आहे .
