‘छत्रपती शिवाजी महाराज महाराजस्व महसूल समाधान शिबिर’ पाचोरा तालुक्यात यशस्वी

पाचोरा (प्रतिनिधी) :

पाचोरा तालुक्यातील नांद्रा येथे पाचोरा–जळगाव हायवेवरील तुळजाभवानी माता मंदिर परिसरात ‘छत्रपती शिवाजी महाराज महसूल समाधान शिबिर’ (टप्पा १) यशस्वीरीत्या पार पडले.

या शिबिरात महसूल विभाग, वन विभाग, पुरवठा विभाग, कृषी विभाग, महावितरण, पंचायत समिती, ग्रामीण रुग्णालय तसेच उपप्रादेशिक परिवहन विभाग आदी विविध शासकीय विभागांनी सहभाग घेतला.

कृषी विभागाचे उत्तमराव जाधव यांनी शेतकऱ्यांना ‘महाविस्तार AI’ ॲप्लिकेशनची माहिती देत फळबाग योजना व इतर कृषी योजनांबाबत मार्गदर्शन केले. महसूल विभागामार्फत जातीचे दाखले, उत्पन्न प्रमाणपत्र आदींचे वाटप करण्यात आले.

उपप्रादेशिक परिवहन विभागाच्या वतीने हेल्मेट वापराचे महत्त्व, तसेच ड्रायव्हिंग लायसन्स काढण्याची प्रक्रिया याबाबत जनजागृती करण्यात आली.

याशिवाय इतर विभागांनी तत्काळ उपलब्ध सेवा नागरिकांना शिबिरस्थळीच पुरवून त्यांच्या अडचणी जाणून घेतल्या. विविध शासकीय योजनांची माहिती व आवश्यक कागदपत्रांबाबत मार्गदर्शन करण्यात आले.

या समाधान शिबिरामुळे ग्रामस्थांना एकाच ठिकाणी विविध शासकीय सेवा मिळाल्याने समाधान व्यक्त करण्यात आले.