भंडारा | प्रतिनिधी
नागपूर येथे आयोजित Open Roller Skating Vidarbha Level Tournament 2026 मध्ये भंडारा जिल्ह्याच्या खेळाडूंनी उल्लेखनीय यश संपादन करत जिल्ह्याच्या शिरपेचात मानाचा तुरा रोवला आहे.
या स्पर्धेत मास्टर भावेश बांडेबुचे यांनी Inline Skating (वयोगट 10 ते 12 वर्षे) प्रकारात उत्कृष्ट प्रदर्शन करत तृतीय क्रमांक पटकावला. तसेच मास्टर गोरांश गभने यांनी (वयोगट 8 ते 10 वर्षे) स्पर्धेत चतुर्थ क्रमांक मिळवून आपली गुणवत्ता सिद्ध केली.
भंडारा जिल्हा अनेक वर्षांनंतर पुन्हा एकदा स्केटिंग या क्रीडा प्रकारात आपले प्राविण्य सिद्ध करत असून, या यशामागे प्रशिक्षक राजेश गेडाम यांचे अथक परिश्रम, सातत्यपूर्ण प्रशिक्षण आणि मार्गदर्शन महत्त्वपूर्ण ठरले आहे.
या यशाबद्दल भंडारा जिल्हा रोलर स्केटिंग संघटनेचे अध्यक्ष डॉ. प्रकाश सिंग, तसेच विजय तायडे, प्रशांत घाटबांधे, शिवा पडोळे, बेनीलाल चौधरी आणि पंकज सार्वे यांनी दोन्ही खेळाडू व प्रशिक्षक राजेश गेडाम यांचे मनःपूर्वक अभिनंदन केले. भविष्यातही हे खेळाडू राज्य व राष्ट्रीय स्तरावर भंडारा जिल्ह्याचे नाव उज्ज्वल करतील, असा विश्वास त्यांनी व्यक्त केला.
या यशामुळे जिल्ह्यातील इतर खेळाडूंनाही प्रेरणा मिळणार असून स्केटिंग क्रीडा प्रकाराला नवसंजीवनी मिळण्याची अपेक्षा व्यक्त होत आहे.
दोन्ही खेळाडू, प्रशिक्षक आणि पालकांचे हार्दिक अभिनंदन व पुढील वाटचालीस मनःपूर्वक शुभेच्छा! 💐🏅🎉
