माळशिरस | प्रतिनिधी
ओंकार शुगर ग्रुपचे अध्यक्ष तथा ओंकार साखर कारखान्याचे चेअरमन बाबुराव (आप्पा) बोत्रे पाटील यांच्या वाढदिवसानिमित्त शनिवारी (दि. ११ जुलै) विविध सामाजिक उपक्रमांचे आयोजन करण्यात आले आहे.
निमगाव (ता. माळशिरस) येथील प्राथमिक आरोग्य केंद्रात सकाळी ९ वाजता ऊस उत्पादक शेतकरी आणि कर्मचारी वर्गाच्या वतीने भव्य रक्तदान शिबिराचे आयोजन करण्यात आले आहे. या शिबिराचे उद्घाटन ऊस उत्पादक शेतकऱ्यांच्या हस्ते होणार असून, ग्रामीण भागात रक्तदान चळवळ उभी करून अनेक वेळा रक्तदान करणाऱ्या रक्तदात्यांचा मान्यवरांच्या हस्ते सन्मान करण्यात येणार आहे.
याशिवाय, जिल्हा परिषद शाळेतील विद्यार्थ्यांना शालेय साहित्य व खाऊचे वाटप करण्यात येणार असून, विद्यार्थ्यांना प्रोत्साहन देण्याचा उपक्रमही राबविण्यात येणार आहे.
महाराष्ट्र शासनाच्या स्वच्छता अभियानाला प्रतिसाद देत ग्रामस्वच्छता अभियानांतर्गत गावातील प्रमुख सार्वजनिक ठिकाणांची स्वच्छता करण्यात येणार आहे.
या सर्व सामाजिक उपक्रमांमध्ये ओंकार परिवाराशी निगडित सर्व ऊस उत्पादक शेतकरी, कर्मचारी तसेच नागरिकांनी मोठ्या संख्येने सहभागी व्हावे, असे आवाहन बाबुरावजी बोत्रे पाटील ग्रामविकास प्रतिष्ठानच्या वतीने रामभाऊ मगर यांनी केले आहे.
