जळकोट (जि. लातूर) | प्रतिनिधी
गुरुदत्त उच्च माध्यमिक विद्यालय, जळकोट येथे इयत्ता दहावीच्या विद्यार्थ्यांच्या उल्लेखनीय यशानिमित्त पालक मेळावा व गुणवंत विद्यार्थ्यांच्या सत्कार समारंभाचे आयोजन उत्साहात करण्यात आले.
यंदाच्या माध्यमिक शालांत परीक्षेत विद्यालयाने 98.79 टक्के निकालाची उल्लेखनीय कामगिरी नोंदवली. परीक्षेत 43 विद्यार्थ्यांनी विशेष प्राविण्य, तर 28 विद्यार्थ्यांनी प्रथम श्रेणी मिळवत विद्यालयाच्या यशात मोलाची भर घातली. तसेच द्वितीय व तृतीय श्रेणीत उत्तीर्ण झालेल्या विद्यार्थ्यांचाही यावेळी गौरव करण्यात आला.
या कार्यक्रमाला श्री महेश शिक्षण संस्थेचे अध्यक्ष डॉ. अशोकराव सागवीकर, सचिव मंगेशराव पाटील, उपनगराध्यक्ष मन्मथ आप्पा किडे, नगराध्यक्ष प्रभावती चंद्रकांत कांबळे, अशोक कारभारी, गुरुनाथराव देशमुख, संपतराव शिगाडे, माजी प्राचार्य तसेच विद्यालयाचे प्राचार्य संजय येरनाळे यांची प्रमुख उपस्थिती होती. यावेळी पालक, शिक्षक आणि कर्मचारी मोठ्या संख्येने उपस्थित होते.
शाळेच्या वतीने गुणवंत विद्यार्थ्यांचा, त्यांच्या पालकांचा तसेच यशासाठी योगदान देणाऱ्या शिक्षकांचा शाल, श्रीफळ व पुष्पगुच्छ देऊन सत्कार करण्यात आला.
कार्यक्रमाच्या यशस्वी आयोजनासाठी पटवारी सर, मराशिवणे सर, आंडे सर, शिदाळकर सर, पुलमटे सर, गबाळे सर, वाघमारे सर, कांबळे सर, स्वामी सर, भोसले सर, भावसार मॅडम, पडीत मॅडम तसेच सर्व शिक्षक व कर्मचाऱ्यांनी परिश्रम घेतले.
यावेळी उपस्थित मान्यवरांनी विद्यार्थ्यांचे अभिनंदन करत पुढील शैक्षणिक वाटचालीसाठी शुभेच्छा दिल्या तसेच पालकांच्या सहकार्यामुळेच विद्यार्थ्यांना हे यश मिळाल्याचे सांगून त्यांच्या भूमिकेचेही कौतुक केले.
