📰 सारथी महाराष्ट्राचा न्यूज | मारेगाव | प्रतिनिधी
यवतमाळ जिल्ह्यातील मारेगाव तालुक्यातील गोधणी येथे ३२ वर्षीय युवकाने राहत्या घरी गळफास घेऊन आत्महत्या केल्याची दुर्दैवी घटना शुक्रवारी (दि. १७ जुलै) सकाळी घडली.
मारेगाव पोलिसांनी दिलेल्या माहितीनुसार, गंगाधर भिमा टेकाम (वय ३२, रा. गोधणी) यांनी राहत्या घरात नायलॉन दोरीच्या सहाय्याने गळफास घेतला. सकाळी सुमारे ७ वाजण्याच्या सुमारास त्यांचे वडील भिमराव बापुराव टेकाम यांना ही घटना निदर्शनास आली. त्यांनी तत्काळ शेजाऱ्यांना व पोलीस पाटलांना माहिती दिली.
यानंतर मारेगाव पोलिसांनी घटनास्थळी धाव घेत ग्रामस्थांच्या मदतीने युवकाला ग्रामीण रुग्णालय, मारेगाव येथे दाखल केले. मात्र वैद्यकीय अधिकाऱ्यांनी त्याला मृत घोषित केले.
कुटुंबीयांच्या माहितीनुसार, मृत गंगाधर टेकाम हे गेल्या दोन वर्षांपासून मानसिक आजाराने त्रस्त होते.
या प्रकरणी मारेगाव पोलीस ठाण्यात मर्ग क्रमांक ३१/२०२६ अंतर्गत कलम १९४ बीएनएसएस प्रमाणे अकस्मात मृत्यूची नोंद करण्यात आली असून, आत्महत्येचे नेमके कारण शोधण्यासाठी पुढील तपास पोलीस हवालदार जयंत कोरवते यांच्या मार्गदर्शनाखाली सुरू आहे.
