📰 सारथी महाराष्ट्राचा न्यूज | बार्शी | प्रतिनिधी
बार्शी तालुक्यातील संजय गांधी निराधार अनुदान योजना समितीच्या अध्यक्षपदी रणवीर राजेंद्र राऊत यांची नियुक्ती करण्यात आली आहे. यासंदर्भातील अधिकृत आदेश जिल्हाधिकारी कार्यालय, सोलापूर यांनी दि. ६ जुलै २०२६ रोजी जारी केला आहे.
महाराष्ट्र शासनाच्या संजय गांधी निराधार अनुदान योजना समितीच्या मार्गदर्शक सूचनांनुसार बार्शी तालुकास्तरीय समितीची पुनर्रचना करण्यात आली असून, जिल्ह्याचे पालकमंत्री जयकुमार गोरे यांच्या शिफारशीवरून रणवीर राजेंद्र राऊत यांची अध्यक्षपदी निवड करण्यात आली आहे.
सदर समिती संजय गांधी निराधार अनुदान योजना, श्रावणबाळ सेवा राज्य निवृत्ती वेतन योजना तसेच इतर सामाजिक सहाय्य योजनांशी संबंधित अर्जांची छाननी, पात्र लाभार्थ्यांची निवड आणि योजनांची प्रभावी अंमलबजावणी करण्यासाठी महत्त्वाची भूमिका बजावणार आहे. समितीमध्ये विविध क्षेत्रांतील अशासकीय प्रतिनिधींसह संबंधित विभागांचे शासकीय सदस्यांचाही समावेश करण्यात आला आहे.
रणवीर राजेंद्र राऊत यांच्या नियुक्तीमुळे बार्शी तालुक्यातील निराधार नागरिक, ज्येष्ठ नागरिक, विधवा महिला तसेच सामाजिक सुरक्षा योजनांच्या लाभार्थ्यांना शासकीय योजनांचा लाभ अधिक प्रभावीपणे मिळण्यास मदत होईल, अशी अपेक्षा व्यक्त केली जात आहे. त्यांच्या नियुक्तीबद्दल विविध स्तरांतून अभिनंदनाचा वर्षाव होत आहे.
