📰 सारथी महाराष्ट्राचा न्यूज | पारगाव शिंगवे | प्रतिनिधी
जिल्हा परिषद प्राथमिक शाळा, पारगाव शिंगवे येथे शिक्षणाला प्रोत्साहन देण्यासाठी आणि विद्यार्थ्यांच्या शैक्षणिक गुणवत्तेत वाढ व्हावी या उद्देशाने अमित कोंडीबा पवार व अमोल कोंडीबा पवार या बंधूंनी शाळेतील ५५ विद्यार्थ्यांना सुमारे ४० हजार रुपये किमतीचे शालेय साहित्य वाटप केले.
या उपक्रमांतर्गत विद्यार्थ्यांना दप्तर, वह्या, पेन, पेन्सिल, रंगवही आदी आवश्यक शैक्षणिक साहित्याचे वितरण करण्यात आले. सौ. मंगल कोंडीबा पवार व प्राजक्ता अमोल पवार यांच्या हस्ते विद्यार्थ्यांना साहित्य प्रदान करण्यात आले.
कार्यक्रमास ग्रामपंचायतचे माजी अध्यक्ष बजरंग देवडे, ग्रामपंचायत सदस्य काळुराम लोखंडे, वीरेंद्र ढोबळे, शालेय व्यवस्थापन समितीचे अध्यक्ष सचिन दातखिळे, साईनाथ गायकवाड, नितीन ढोबळे, विवेक चव्हाण, अस्मिता पोटे, ज्येष्ठ नागरिक संघाचे अध्यक्ष किसन नाना ढोबळे, संतकृपा पतसंस्थेचे व्हाईस चेअरमन ज्ञानेश्वर देवडे, शिवाजी ढोबळे, कांताराम ढोबळे, ज्येष्ठ नागरिक संघाचे उपाध्यक्ष दत्तात्रेय असवारे, मुख्याध्यापक संतोष लबडे, शिक्षक, विद्यार्थी व ग्रामस्थ मोठ्या संख्येने उपस्थित होते.
यावेळी उपस्थित मान्यवरांनी पवार बंधूंच्या सामाजिक बांधिलकीचे कौतुक करत, अशा उपक्रमांमुळे विद्यार्थ्यांना शिक्षणाची प्रेरणा मिळते आणि त्यांचा आत्मविश्वास वाढतो, असे मत व्यक्त केले.
कार्यक्रमाचे सूत्रसंचालन व आभार प्रदर्शन वळसे सर यांनी केले. पवार कुटुंबाच्या या सामाजिक उपक्रमाचे परिसरातून सर्वत्र स्वागत होत असून त्यांच्या कार्याचे कौतुक केले जात आहे.
