📰 सारथी महाराष्ट्राचा न्यूज | ब्रम्हपुरी | प्रतिनिधी
ब्रह्मपुरी विधानसभा क्षेत्रातील मौजा चोरटी येथील कॅन्सरग्रस्त रुग्ण पांडुरंग धर्मा कामडी यांना मा. आमदार विजयभाऊ वडेट्टीवार यांच्या वतीने आर्थिक मदत देण्यात आली. आमदारांच्या प्रतिनिधींनी रुग्णाच्या कुटुंबीयांची भेट घेऊन मदतीची रक्कम सुपूर्द करत त्यांना धीर दिला.
मा. आमदार विजयभाऊ वडेट्टीवार हे गरजू, संकटग्रस्त आणि गंभीर आजारांवर उपचार घेत असलेल्या रुग्णांच्या मदतीसाठी सातत्याने पुढाकार घेत असून, अशा कुटुंबांना आवश्यक ते सहकार्य मिळावे यासाठी ते कायम प्रयत्नशील असल्याचे यावेळी सांगण्यात आले.
या प्रसंगी सुधीरभाऊ पंदीलवार, सुनील विखार, अविनाश रामटेके, कालेश्वर रामटेके, नामदेव कांबळी, स्थानिक पदाधिकारी, कार्यकर्ते आणि ग्रामस्थ उपस्थित होते.
आमदार विजयभाऊ वडेट्टीवार यांच्या वतीने मिळालेल्या या आर्थिक मदतीबद्दल पांडुरंग कामडी यांच्या कुटुंबीयांनी कृतज्ञता व्यक्त करत आभार मानले.
