📰 सारथी महाराष्ट्राचा न्यूज | पातुर | प्रतिनिधी
पर्यावरण संवर्धन आणि हरित भविष्यासाठी जनजागृती करण्याच्या उद्देशाने सावित्रीबाई फुले प्राथमिक, माध्यमिक व उच्च माध्यमिक विद्यालय, पातुर येथे वृक्षारोपण कार्यक्रम उत्साहपूर्ण वातावरणात पार पडला.
सावित्रीबाई फुले शिक्षण प्रसारक मंडळाच्या अध्यक्षा सपना म्हैसणे यांच्या हस्ते वृक्षारोपण करून कार्यक्रमाची सुरुवात करण्यात आली. यावेळी संस्थेचे सचिव सचिन ढोणे तसेच शाळेचे मुख्याध्यापक कंकाळा यांची प्रमुख उपस्थिती होती.
कार्यक्रमात शिक्षक श्रीकृष्ण शेगोकार, सचिन अरबाड, प्रांजली कीर्तने यांच्यासह विद्यालयातील विद्यार्थ्यांनी मोठ्या उत्साहात सहभाग घेतला. मान्यवरांनी विद्यार्थ्यांना वृक्षांचे पर्यावरणीय महत्त्व पटवून देत प्रत्येकाने किमान एक वृक्ष लावून त्याचे संगोपन करण्याचे आवाहन केले.
विद्यार्थ्यांनीही उत्स्फूर्तपणे वृक्षारोपण करून पर्यावरण संरक्षणाची शपथ घेतली. या उपक्रमामुळे विद्यालय परिसर अधिक हिरवागार होण्यास मदत होणार असून विद्यार्थ्यांमध्ये पर्यावरण संवर्धनाबाबत जागरूकता निर्माण झाली आहे.
कार्यक्रमाचे यशस्वी आयोजन विद्यालयाच्या शिक्षक व कर्मचाऱ्यांनी केले.
