खामगाव | प्रतिनिधी
लोकनेते स्व. अजितदादा पवार यांच्या जयंतीनिमित्त खामगाव व परिसरात 21 ते 28 जुलै 2026 या कालावधीत विविध सामाजिक, धार्मिक आणि विकासाभिमुख उपक्रमांनी युक्त ‘जनसेवा सप्ताह’ आयोजित करण्यात आला आहे.
या सप्ताहात वृक्षारोपण, रक्तदान शिबिर, आरोग्य तपासणी, वारकऱ्यांना फराळ व छत्री वाटप, स्वच्छता अभियान, विद्यार्थ्यांना गणवेश वाटप, विकास कामांचे भूमिपूजन व लोकार्पण, कार्यकर्ता मेळावे तसेच ग्राम शाखांचे उद्घाटन असे अनेक विधायक कार्यक्रम पार पडणार आहेत.
कार्यक्रमाचे वेळापत्रक
- 21 जुलै: कीर्तन, 5 हजार वृक्ष वाटप, वृक्षसंवर्धन शपथ (आंबेडकर मैदान, खामगाव)
- 22 जुलै: रुग्णांना फळ वाटप, वृक्षारोपण, भव्य रक्तदान शिबिर, राष्ट्रीय समाजप्रबोधनकार कीर्तन
- 23 जुलै: विठ्ठल दर्शन एक्स्प्रेसने जाणाऱ्या वारकऱ्यांना फराळ व छत्री वाटप, रोग निदान शिबिर
- 24 जुलै: स्वच्छता अभियान, विद्यार्थ्यांना गणवेश वाटप, 50 लाखांच्या विकासकामांचे भूमिपूजन
- 25 जुलै: आषाढी एकादशीनिमित्त जलाभिषेक (माटरगाव), विकासकामांचे भूमिपूजन, राष्ट्रवादी काँग्रेस ग्राम शाखा उद्घाटन
- 26 जुलै: बोध फॉरेस्ट येथे वृक्षारोपण, कार्यकर्ता मेळावा, ग्राम शाखा उद्घाटन, घड्याळ वाटप
- 27 जुलै: राष्ट्रसंत तुकडोजी महाराज जिल्हास्तरीय खंजेरी स्पर्धा, विविध विकासकामांचे भूमिपूजन
- 28 जुलै: जिल्हा परिषद सर्कल मेळावा, विकासकामांचे लोकार्पण व ग्राम शाखा उद्घाटन
या जनसेवा सप्ताहाचे आयोजन श्रीमती सरस्वती खासने, मनोज वानखेडे, सौ. शारदा शर्मा आणि बिलाल खान पठाण यांनी केले असून, खामगाव व परिसरातील नागरिकांनी मोठ्या संख्येने सहभागी होण्याचे आवाहन आयोजकांनी केले आहे.
